വീട്ടമ്മയ്ക്കും മക്കള്‍ക്കും നേരെ അക്രമം, ഒരാള്‍ അറസ്റ്റില്‍
ഇയാൾ നിരന്തരം ശല്യപ്പെടുത്തുന്നുവെന്ന് കാണിച്ച് സ്ത്രീ നേരത്തെ പൊലീസില്‍ പരാതി നല്‍കിയിരുന്നു
വീട്ടമ്മയ്ക്കും മക്കള്‍ക്കും നേരെ അക്രമം, ഒരാള്‍ അറസ്റ്റില്‍
കൊല്ലം: രണ്ട് മക്കളുമായി താമസിക്കുകയായിരുന്ന സ്ത്രീയുടെ വീട്ടില്‍ കടന്നുകയറി അക്രമിച്ച മധ്യവയസ്കന്‍ അറസ്റ്റില്‍. കടക്കൽ സ്വദേശി സന്തോഷ് എന്ന് വിളിക്കുന്ന മധുസൂദനൻ പിള്ളയാണ് കടക്കൽ പൊലീസിന്‍റെ പിടിയിലായത്. ഇയാൾ നിരന്തരം ശല്യപ്പെടുത്തുന്നുവെന്ന് കാണിച്ച് സ്ത്രീ നേരത്തെ പൊലീസില്‍ പരാതി നല്‍കിയിരുന്നു. ഇതിലുള്ള വിരോധമാണ് വീട്ടില്‍ കയറിയുള്ള അക്രമണത്തിന് പിന്നിലെന്ന് സ്ത്രീ പൊലീസിനോട് പറഞ്ഞു. സ്ത്രീയെയും കുട്ടികളെയും അസഭ്യം പറയുകയും ഗൃഹോപകരണങ്ങൾ ഇയാള്‍ നശിപ്പിക്കുകയും ചെയ്തതായി പൊലീസ് പറഞ്ഞു. ഇൻസ്പെക്ടർ രാജേഷിന്‍റെ നേതൃത്വത്തിലുള്ള സംഘമാണ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.