ലഹരി ഗുളികകളും കഞ്ചാവുമായി രണ്ട് പേര്‍ പിടിയില്‍

ചെങ്ങന്നൂര്‍ സ്വദേശികളാണ് എക്‌സൈസിന്‍റെ പിടിയിലായത്.

പാലക്കാട്: വാളയാറിൽ ലഹരി ഗുളികകളുമായി രണ്ട് പേർ പിടിയിൽ. എക്സൈസ് സംഘം നടത്തിയ പരിശോധനക്കിടെയാണ് ചെങ്ങന്നൂർ സ്വദേശികളായ രണ്ട് പേർ പിടിയിലായത്. ചെങ്ങന്നൂർ മുളക്കുഴ സ്വദേശികളായ ജിതിൻ വിജയൻ (23) അഖിൽ പ്രസന്നൻ (23) എന്നിവരെയാണ് എക്സൈസ് സംഘം പിടികൂടിയത്. വാളയാർ പാമ്പൻ പള്ളം ടോൾ പ്ലാസക്ക് അടുത്ത് വച്ചാണ് പാലക്കാട് എക്‌സൈസ് സർക്കിൾ ഇൻസ്പെക്ടറുടെ നേതൃത്യത്തിലുള്ള സംഘം ഇവരെ പിടികൂടിയത്. 300 ഗ്രാം കഞ്ചാവും ഇവരിൽ നിന്നും കണ്ടെടുത്തു.