ഹംപിയില് സെൽഫി എടുക്കുന്നതിനിടെ തൂണുകൾ തട്ടിയിട്ടയാളെ അറസ്റ്റ് ചെയ്തു
ബെംഗളൂരു സ്വദേശി നാഗരാജാണ് പിടിയിലായത്. ഇയാളെ 15 ദിവസത്തേക്ക് റിമാൻഡ് ചെയ്തു
ഹംപി
ബെംഗളൂരു: ഹംപിയിൽ സെൽഫി എടുക്കുന്നതിനിടെ കല്ത്തൂണുകൾ തട്ടിയിട്ട ബംഗളൂരു സ്വദേശിയെ പൊലീസ് അറസ്റ്റ് ചെയ്തു. നാഗരാജ് (45)എന്നയാളാണ് പൊലീസ് പിടിയിലായത്. പുരാതന സ്മാരകങ്ങളും പുരാതന സ്ഥലങ്ങളും നശിപ്പിക്കാൻ ശ്രമിച്ചു എന്ന പേരിലാണ് 1958 ലെ വകുപ്പ് ചുമത്തി ഇയാൾക്കെതിരെ കേസെടുത്തത്. യുനെസ്കോയുടെ ലോക പൈതൃക പട്ടികയില് ഇടം നേടിയ ഹംപിയിലെ വിജയ വിറ്റാല ക്ഷേത്രത്തിലെ രണ്ട് കല്ത്തൂണുകളാണ് ഇയാൾ സെല്ഫി എടുക്കുന്നതിനിടെ താഴെ വീണത്. പ്രതിയെ 15 ദിവസത്തേക്ക് റിമാൻഡ് ചെയ്തു.