മാനസിക അസ്വാസ്ഥ്യമുള്ള പെണ്‍കുട്ടിയെ പീഡിപ്പിച്ചയാള്‍ അറസ്റ്റില്‍

കുട്ടിയുടെ പിതാവും നാട്ടുകാരും ചേർന്നാണ് പ്രതിയെ പിടികൂടി പൊലീസിൽ ഏൽപിച്ചത്. മുമ്പും ഇയാൾ സ്‌ത്രീകളെ ഉപദ്രവിച്ചതായി പരാതിയുണ്ട്

പാലക്കാട്:മാനസിക അസ്വാസ്ഥ്യമുള്ള ആദിവാസി പെണ്‍കുട്ടിയെ പീഡിപ്പിച്ചയാള്‍ അറസ്റ്റില്‍. പാലക്കാട് - മണ്ണാര്‍ക്കാടാണ് സംഭവം. മണ്ണമ്പറ്റ വടക്കേക്കര കോളനിയിലെ സത്യകുമാറാണ് പിടിയിലായത്. കുട്ടിയുടെ പിതാവും നാട്ടുകാരും ചേർന്നാണ് പ്രതിയെ പിടികൂടി പൊലീസിൽ ഏൽപിച്ചത്. ഞായറാഴ്ച വൈകിട്ട് നാലരയോടെയാണ് സംഭവം. മറ്റാരുമില്ലെന്ന് ഉറപ്പു വരുത്തിയ ശേഷം വീട്ടില്‍ അതിക്രമിച്ച് കയറിയാണ് പ്രതി പെണ്‍കുട്ടിയെ ഉപദ്രവിച്ചത്. ഈ പ്രദേശത്ത് പന്തൽ ജോലിയുമായി ബന്ധപ്പെട്ട് സ്ഥിരമായി എത്താറുള്ളയാളാണ് സത്യകുമാർ. മുമ്പും ഇയാൾ സ്‌ത്രീകളെ ഉപദ്രവിച്ചതായി പരാതിയുണ്ട്. മണ്ണാർകാട് പൊലീസ് കേസ് എടുത്തിട്ടുണ്ട്.