കൊളംബോ: ശ്രീലങ്കയിൽ മയക്കുമരുന്ന് കടത്തുമായി ബന്ധപ്പെട്ട് ഒരാഴ്‌ചക്കിടെ അറസ്‌റ്റിലായത് 14,000 ത്തോളം പേർ (Crackdown on Drug Related Activities in Sri Lanka). ഡിസംബർ 17 മുതൽ 24 വരെ നടത്തിയ ഒരു പ്രത്യേക ദൗത്യത്തിലാണ് ഇത്രയധികം പേരെ പിടികൂടിയതെന്ന് ശ്രീലങ്കൻ പൊലീസ് അറിയിച്ചു.
13,666 പ്രതികളെ അറസ്റ്റ് ചെയ്‌തു. ഇതിൽ 717 പേരെ തടങ്കലിലാക്കി. കസ്റ്റഡിയിലെടുത്തവരിൽ, 174 വ്യക്തികൾ അനധികൃത സ്വത്ത് സമ്പാദനത്തിന്‍റെ പേരില്‍ അന്വേഷണം നേരിടുകയാണ്. കൂടാതെ, മയക്കുമരുന്നിന് അടിമകളായ 1,097 പേരെ പുനരധിവാസത്തിനായി അയച്ചു. ഒരാഴ്‌ച നീണ്ടുനിന്ന ഓപ്പറേഷനിൽ ശ്രീലങ്കൻ പൊലീസ് നാർക്കോട്ടിക് ബ്യൂറോ തിരിച്ചറിഞ്ഞ 4,665 പേരിൽ 1,107 പ്രതികളെയും കസ്‌റ്റഡിയിലെടുത്തു.