കീവ് :ദീർഘകാലമായി ഉപയോഗശൂന്യമായി കിടക്കുന്ന ചെർണോബിൽ ആണവനിലയം പിടിച്ചെടുക്കാൻ റഷ്യ ശ്രമിക്കുന്നതായി യുക്രൈൻ പ്രസിഡന്‍റ് വ്ലോദിമിർ സെലെൻസ്കി. 1986ലെ ദുരന്തം വീണ്ടും ആവർത്തിക്കാതിരിക്കാൻ തങ്ങൾ കടുത്ത പ്രതിരോധം തീര്‍ക്കുകയാണെന്നും സെലെൻസ്കി ട്വീറ്റ് ചെയ്തു.
'ചെർണോബിൽ ആണവനിലയം പിടിച്ചെടുക്കാൻ റഷ്യൻ അധിനിവേശ സേന ശ്രമിക്കുന്നു. 1986ലെ ദുരന്തം ആവർത്തിക്കാതിരിക്കാൻ പ്രതിരോധകർ തങ്ങളുടെ ജീവൻ തന്നെ നൽകുകയാണ്. ഇക്കാര്യം സ്വീഡിഷ് പ്രധാനമന്ത്രിയെ അറിയിച്ചിട്ടുണ്ട്. ഇത് മുഴുവൻ യൂറോപ്പിനുമെതിരെയുള്ള യുദ്ധ പ്രഖ്യാപനമാണ്'- സെലെൻസ്കി ട്വിറ്ററിൽ കുറിച്ചു.