കൊളംബോ: ഭീകരാക്രമണത്തിന്‍റെ പശ്ചാതലത്തിൽ പ്രതിരോധ സെക്രട്ടറിയോടും പൊലീസ് മേധാവിയോടും ശ്രീലങ്കൻ പ്രസിഡന്‍റ് മൈത്രിപാലാ സിരിസേന രാജി വയ്ക്കാൻ ആവശ്യപ്പെട്ടു. ഇൻസ്പെക്ടർ ജനറൽ ഓഫ് പൊലീസ് പുജിത് ജയസുന്ദര, പ്രതിരോധ സെക്രട്ടറി ഹേമസിരി ഫെർണാണ്ടോ എന്നിവരോടാണ് രാജിവയ്ക്കാൻ ആവശ്യപ്പെട്ടിരിക്കുന്നത്.
രഹസ്യാന്വേഷണ റിപ്പോർട്ട് ലഭിച്ചിട്ടും ഭീകരാക്രമണം തടയാൻ വേണ്ട നടപടി എടുക്കാത്തതിന്‍റെ പശ്ചാതലത്തിലാണ് ഇരുവരോടും പ്രസിഡന്‍റ് രാജി ആവശ്യപ്പെട്ടത്. ഏപ്രിൽ 11ന് ഇന്ത്യൻ ഇന്‍റലിജൻസ് വിഭാഗം ഭീകരാക്രമണ മുന്നറിയിപ്പ് ശ്രീലങ്കൻ പൊലീസ് മേധാവിക്ക് കൈമാറിയിരുന്നു. ഇന്ത്യൻ ഹൈക്കമ്മീഷനിലും ക്രിസ്ത്യൻ ദേവാലയങ്ങളിലും ചാവേറാക്രമണത്തിന് പ്രാദേശിക മുസ്ലിം ഭീകരസംഘടന പദ്ധതി ഇട്ടിട്ടുണ്ടെന്നും മുന്നറിയിപ്പ് നൽകിയിരുന്നു.