കനത്ത മഴയും വെള്ളപ്പൊക്കവും; പാകിസ്ഥാനിൽ അമ്പതോളം മരണം

100 ​​ഓളം വീടുകൾ പൂർണമായോ ഭാഗികമായോ തകർന്നു. പ്രദേശത്ത് രക്ഷാപ്രവർത്തനം തുടരുകയാണ്

ഇസ്ലാമാബാദ്:മൂന്ന് ദിവസത്തെ തുടർച്ചയായ മഴയിലും വെള്ളപ്പൊക്കത്തിലും പാക്കിസ്ഥാനിൽ 50ഓളം പേർ മരിച്ചു. ഖൈബർ പ്രവിശ്യയില്‍ 19 പേരും സിന്ധ് പ്രവിശ്യയിൽ 12 പേരും വടക്കൻ ഗിൽഗിറ്റ് മേഖലയിൽ 10 പേരുമാണ് മരിച്ചത്. 100 ​​ഓളം വീടുകൾ പൂർണമായോ ഭാഗികമായോ തകർന്നു. പ്രദേശത്ത് രക്ഷാപ്രവർത്തനം തുടരുകയാണ്.

മിക്ക തെരുവുകളും വെള്ളപ്പൊക്ക ഭീഷണി നേരിടുന്ന സിന്ധ് പ്രവിശ്യയുടെ തലസ്ഥാനമായ കറാച്ചിയിലും നാശനഷ്ടങ്ങൾ ഉണ്ടായിട്ടുണ്ട്. വരുന്ന ആഴ്ചകളിലും കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.