കാബൂള്‍:കാബൂള്‍ അന്താരാഷ്ട്ര വിമാനത്താവളം അന്തര്‍ദേശീയ സര്‍വീസുകള്‍ക്കായി തുറന്നായി താലിബാന്‍ സര്‍ക്കാര്‍ അറിയിച്ചു. എല്ലാ എയര്‍ലൈനുകള്‍ക്കും അഫ്ഗാനിലേക്കുള്ള തങ്ങളുടെ സര്‍വീസ് പുനരാരംഭിക്കാമെന്നും വിദേശകാര്യ മന്ത്രാലയം അറിയിച്ചു. കാബൂൾ ഇന്റർനാഷണൽ എയർപോർട്ടിലെ നിലവിലെ പ്രശ്നങ്ങൾ പരിഹരിച്ചിട്ടുണ്ട്.
അതിനാല്‍ തന്നെ ആഭ്യന്തര അന്തര്‍ദേശീയ സര്‍വീസുകള്‍ പുനരാരംഭിക്കുകയാണെന്നും മന്ത്രാലയം അറിയിച്ചു. അഫ്ഗാനിസ്ഥാനിലെ ഇസ്ലാമിക് എമിറേറ്റ് എല്ലാ ഏജന്‍സികളുടെയും സഹകരണം പ്രതീക്ഷിക്കുന്നതായും മന്ത്രായം വ്യക്തമാക്കി. മുമ്പ് അഫ്ഗാനില്‍ എത്തിയ എല്ലാ വിമാനങ്ങള്‍ക്കും തുടര്‍ന്നും സര്‍വീസ് നടത്താമെന്നും വിദേശകാര്യ വക്താവ് അബ്ദുൽ ഖഹർ ബൽഖി അറിയിച്ചു.