ജപ്പാനും ജര്‍മനിയും അയൽ രാജ്യങ്ങളെന്ന് ഇമ്രാൻ ഖാൻ; ട്രോളുമായി സോഷ്യല്‍ മീഡിയ

ഏഷ്യൻ രാജ്യമായ ജപ്പാനും യൂറോപ്യൻ രാജ്യമായ ജർമ്മനിയും അയൽ രാജ്യങ്ങളാണെന്നാണ് ഇമ്രാൻ ഖാൻ പറഞ്ഞത്.

വാർത്താ സമ്മേളനത്തിൽ ജപ്പാനും ജർമ്മനിയും അയൽ രാജ്യങ്ങളെന്ന് പറഞ്ഞ പാക് പ്രധാനമന്ത്രി ഇമ്രാൻ ഖാന് സോഷ്യൽ മീഡിയയുടെ ട്രോൾ.

''രണ്ട് രാജ്യങ്ങള്‍ക്ക് സംയുക്തമായി എങ്ങനെ വ്യവസായം തുടങ്ങാമെന്നതിന് ഉത്തമ മാതൃകയാണ് ജര്‍മിനിയും ജപ്പാനും. രണ്ടാം ലോകമഹായുദ്ധത്തിന് ശേഷം ജര്‍മനിയും ജപ്പാനും അതിര്‍ത്തിയില്‍ സംയുക്തമായി വ്യവസായ ശാലകള്‍ തുടങ്ങി ഇരുരാജ്യങ്ങളും തമ്മിലുള്ള സാമ്പത്തിക ബന്ധം ദൃഢമാക്കി''. ഇതാണ് വാർത്താ സമ്മേളനത്തിൽ പാക് പ്രധാനമന്ത്രി പറഞ്ഞത്.

ഫ്രാൻസാണ് ജർമ്മനിയുമായി സംയുക്ത വ്യവസായം തുടങ്ങിയ രാജ്യം. ഏതായാലും ഇമ്രാനെ ട്രോളി രസിക്കുകയാണ് ഇപ്പോൾ സോഷ്യൽ മീഡിയ