ലെബനനിൽ തടവു ചാടിയ അഞ്ചു പേർ വാഹനാപകടത്തിൽ മരിച്ചു

സുരക്ഷാ ഉദ്യോഗസ്ഥരെ സെല്ലിൽ പൂട്ടിയിട്ടതിന് ശേഷമാണ് തടവുകാർ രക്ഷപ്പെട്ടത്

ബെയ്‌റൂട്ട്: ലെബനനിൽ രക്ഷപ്പെട്ടോടിയ അഞ്ച് തടവുകാർ വാഹനാപകടത്തിൽ മരിച്ചു. ലെബനൻ തലസ്ഥാനമായ ബെയ്‌റൂട്ടിനടുത്തുള്ള ബാബ്‌ഡ ജയിലിൽ നിന്ന് രക്ഷപ്പെട്ടോടിയ അഞ്ച് തടവുകാരാണ് വാഹനാപകടത്തിൽ മരിച്ചത്. ഇവർ സഞ്ചരിച്ച കാർ മരത്തിൽ ഇടിച്ചാണ് അപകടമുണ്ടായതും മരണം സംഭവിച്ചതും.

അറുപതോളം തടവുകാരാണ് രക്ഷപ്പെട്ടത്. സുരക്ഷാ ഉദ്യോഗസ്ഥരെ സെല്ലിൽ പൂട്ടിയിട്ടതിന് ശേഷമാണ് ഇവർ തടവു ചാടിയത്. സുരക്ഷാ സേനകളുടെ ഏകോപനത്തോടെ സമീപ പ്രദേശത്ത് നടന്ന അന്വേഷണത്തിൽ പത്ത് തടവുകാരെ കണ്ടെത്തി.