നേപ്പാളില്‍ ടിപ്പര്‍ അപകടത്തില്‍ രണ്ട് പേര്‍ മരിച്ചു; മൂന്ന് പേരെ കാണാതായി
ഇന്ത്യയില്‍ നിന്നും മടങ്ങിയെത്തിയ നേപ്പാള്‍ പൗരന്മാര്‍ സഞ്ചരിച്ച ടിപ്പറാണ് അപടകത്തില്‍ പെട്ടത്.
നേപ്പാളില്‍ ടിപ്പര്‍ അപകടത്തില്‍ രണ്ട് പേര്‍ മരിച്ചു; മൂന്ന് പേരെ കാണാതായി
കാഠ്‌മണ്ഡു: നേപ്പാളില്‍ കലികൊത്‌ ജില്ലയില്‍ ടിപ്പര്‍ പുഴയില്‍ മുങ്ങി രണ്ട് പേര്‍ മരിച്ചു. ഇന്ത്യയില്‍ നിന്നും മടങ്ങിയെത്തിയ നേപ്പാള്‍ പൗരന്മാര്‍ സഞ്ചരിച്ച ടിപ്പറാണ് അപകടത്തില്‍ പെട്ടത്. ഇവരെ റാസ്‌കൊത് മുനിസിപ്പാലിറ്റിയുടെ നിരീക്ഷണ കേന്ദ്രത്തിലേക്ക് കൊണ്ടുപോകുന്നതിനിടെ നിയന്ത്രണം വിട്ട് ടിപ്പര്‍ പുഴയിലേക്ക് മറിയുകയായിരുന്നു. ഡ്രൈവര്‍ വാഹനത്തില്‍ നിന്നും ചാടി രക്ഷപ്പെട്ടു. 27 പേരാണ് ടിപ്പറില്‍ ഉണ്ടായിരുന്നത്. ഇതില്‍ നാല്‌ പേരുടെ നില ഗുരുതരമാണ്. ഇവരെ ആശുപത്രിയിലേക്ക് മാറ്റി. അപകടത്തില്‍ മൂന്ന് പേരെ കാണാതായതായും പൊലീസ് അറയിച്ചു. സംഭവത്തില്‍ ഡ്രൈവറെ അറസ്റ്റ് ചെയ്‌തു.
TAGGED:
നേപ്പാള്‍