വാഷിങ്ടണ്‍: ഇലോൺ മസ്ക്കിന്‍റെ സ്പേസ് എക്സ് കമ്പനി വിക്ഷേപിച്ച ആദ്യത്തെ ബഹിരാകാശ പേടകം സഞ്ചാരികളുമായി ഭൂമിയിലേക്ക് പുറപ്പെട്ടു. ശനിയാഴ്ച്ച രാത്രിയാണ് സ്പേസ് എക്സ് കമ്പനിയുടെ ക്രൂ ഡ്രാഗൺ പേടകം ഭൂമിയിലേക്ക് തിരിച്ചത്. സ്പേസ് എക്സ് യാത്രയിലെ ഏറ്റവും പ്രധാനമായ ഘട്ടമാണിത്. ലാൻഡിങിൽ നിർണായകമായ ഒന്നാണ് പാരച്യൂട്ടുകൾ ഉപയോഗിച്ചുള്ള ഇറക്കം. നാല് ക്രൂ ഡ്രാഗണ് നാല് പാരച്യൂട്ടുകളാണ് ഉള്ളത്. ഇവ യഥാസമയം വിടരാതിരുന്നാൽ അപകടം ഉണ്ടാകും. ഉഷ്‌ണമേഖലാ കൊടുങ്കാറ്റായ 'ഇസായാസ്' ഫ്ലോറിഡയിലെ അറ്റ്ലാന്‍റിക് തീരത്ത് അടിക്കുന്നുണ്ടെങ്കിലും പെൻസകോള തീരത്ത് കാലാവസ്ഥ അനുകൂലമായാണ് കാണപ്പെടുന്നതെന്ന് നാസ പറഞ്ഞു.
ബഹിരാകാശയാത്രികരുമായി സ്പേസ് എക്സ് കാപ്സ്യൂൾ ഐ‌എസ്‌എസിൽ നിന്ന് പുറപ്പെടുന്നു