അലാസ്കയിൽ മണ്ണിടിച്ചിൽ; ആറ് പേരെ കാണാതായി

നാല് വീടുകൾ പൂർണമായി നശിക്കുകയും നിരവധി വീടുകൾക്ക് കേടുപാടുകൾ സംഭവിക്കുകയും ചെയ്തു. പ്രദേശത്ത് 2500 ഓളം താമസക്കാരുണ്ട്.

ഹെയ്ൻസ്: തെക്കുകിഴക്കൻ അലാസ്കയിലെ ഹെയ്‌ൻസിലുണ്ടായ മണ്ണിടിച്ചിലിൽ ആറ് പേരെ കാണാതായതായി. കാണാതായവർക്കായി തിരച്ചിൽ തുടരുകയാണ്. പ്രദേശത്ത് ബുധനാഴ്ച മഴ കനത്തതിനെ തുടർന്ന് നിർത്തിവച്ച രക്ഷാപ്രവർത്തനം പുനഃരാരംഭിച്ചു.

ശക്തമായ മഴയെത്തുടർന്ന് ഹെയ്ൻസിലെ വിവിധയിടങ്ങളിൽ മണ്ണിടിച്ചിലുണ്ടായി. നാല് വീടുകൾ പൂർണമായി നശിക്കുകയും നിരവധി വീടുകൾക്ക് കേടുപാടുകൾ സംഭവിക്കുകയും ചെയ്തു. പ്രദേശത്ത് 2500 ഓളം താമസക്കാരുണ്ട്. മുപ്പതോളം പേരെ ഒഴിപ്പിച്ചു.