ന്യൂയോര്‍ക്ക്: മെക്സിക്കന്‍ അതിര്‍ത്തിയിലൂടെ രാജ്യത്ത് കടക്കുന്നവരെ കാലിന് വെടിവച്ച് വീഴ്ത്താന്‍ അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപ് നിര്‍ദേശം നല്‍കിയിരുന്നതായി വെളിപ്പെടുത്തല്‍. കുടിയേറ്റക്കാരെ നേരിടാന്‍ അതിക്രൂരമായ മാര്‍ഗങ്ങള്‍ പ്രയോഗിക്കാന്‍ ട്രംപ് ഉത്തരവിട്ടിരുന്നതായും റിപ്പോര്‍ട്ട്. ന്യൂയോര്‍ക്ക് ടൈംസിലെ മാധ്യമ പ്രവര്‍ത്തകരായ മൈക്കല്‍ ഷയറും ജൂലി ഡേവിസും ചേര്‍ന്നെഴുതിയ ബോര്‍ഡര്‍ വാര്‍ എന്ന പുസ്തകത്തിലാണ് വെളിപ്പെടുത്തലുകളുള്ളത്.
രാജ്യസുരക്ഷക്ക് കുടിയേറ്റം ഭീഷണിയാണ്. കുടിയേറ്റക്കാരുടെ കാലിന് വെടിവെക്കണം. അങ്ങനെ അവരുടെ വേഗത കുറക്കണം. അതിര്‍ത്തി കടക്കുന്നതിന് മുമ്പുതന്നെ അവര്‍ മരിച്ച് വീഴണമെന്നും ട്രംപ് നിര്‍ദേശം നല്‍കിയെന്നാണ് പരാമര്‍ശം. എന്നാല്‍ ഇത്തരം നടപടികള്‍ നിയമപരമല്ലെന്ന് അമേരിക്കന്‍ സൈന്യം ട്രംപിന് മറുപടി നല്‍കിയെന്നും പുസ്തകത്തില്‍ പറയുന്നു.