വാഷിങ്‌ടൺ: ഹൈദരാബാദ് സ്വദേശിനിയായ പെൺകുട്ടിയെ ബലാത്സംഗം ചെയ്ത് കൊലപ്പെടുത്തി. അമേരിക്കയിലാണ് സംഭവം. 19 വയസുകാരിയായ റൂത്ത് ജോർജ്‌ ആണ് കൊല്ലപ്പെട്ടത്. പെൺകുട്ടി ക്രൂരമായ ബലാത്സംഗത്തിനിരയായതായി പൊലീസ് പറയുന്നു. ചിക്കാഗോയിലെ ഇല്ലിനോസ്‌ സർവകലാശാലയിലെ വിദ്യാർഥിയായ പെൺകുട്ടിയുടെ മൃതദേഹം പാർക്കിങ് മേഖലയിൽ നിന്നാണ് കണ്ടെത്തിയത്. സിസിടിവി ക്യാമറയിൽ നിന്ന് പ്രതിയെ തിരിച്ചറിഞ്ഞ് അറസ്റ്റ് ചെയ്‌തു. സർവകലാശാലക്ക് സമീപം താമസിക്കുന്ന ഡൊണാൾട് തോർമാനാണ് അറസ്റ്റിലായത്. പെൺകുട്ടിയുടെ മൊബൈൽ ഫോണുമായി കടന്നുകളയാൻ ശ്രമിച്ച പ്രതിയെ പൊലീസ് പിടികൂടുകയായിരുന്നു.