30,000 കടന്ന് ചിലിയിലെ കൊവിഡ് മരണം

കൊവിഡ് പ്രതിരോധ പ്രവർത്തനങ്ങളുടെ ഭാഗമായി ജൂൺ 30 വരെ രാജ്യത്തിന്‍റെ അതിർത്തികൾ അടച്ചിടും.

സാന്‍റിയാഗോ: ചിലിയിലെ കൊവിഡ് മരണം 30,000 കടന്നതായി ആരോഗ്യ മന്ത്രാലയം. കഴിഞ്ഞ 24 മണിക്കൂറിനിടെ 121പേർ കൊവിഡ് ബാധിച്ച് മരിച്ചതോടെ ആകെ കൊവിഡ് മരണം 30,058 ആയി ഉയർന്നു.

6,958 പേർക്ക് കൊവിഡ് സ്ഥിരീകരിച്ചതോടെ ആകെ കൊവിഡ് രോഗികളുടെ എണ്ണം 1,434,884 ആയി. കഴിഞ്ഞ കുറച്ച് ദിവസങ്ങളായി കൊവിഡ് മരണം ഉയരുന്നതായി ആരോഗ്യ മന്ത്രി എൻറിക് പാരിസ് വ്യക്തമാക്കി.

അതേ സമയം കൊവിഡ് പ്രതിരോധ പ്രവർത്തനങ്ങളുടെ ഭാഗമായി ജൂൺ 30 വരെ രാജ്യത്തിന്‍റെ അതിർത്തികൾ അടച്ചിടുമെന്ന് ഉപ ആരോഗ്യമന്ത്രി അറിയിച്ചു.