തമിഴകത്തിന്‍റെ ദളപതി വിജയ്‌യുടെ മകൻ ജേസൻ സഞ്ജയ് സിനിമ രംഗത്തേക്ക്. പിതാവിനെ പോലെ അഭിനയത്തിലല്ല, മറിച്ച് സംവിധായകനായി തിളങ്ങാനാണ് ജേസൻ സഞ്ജയ് ഒരുങ്ങുന്നത് (Jason Sanjay Directorial Debut). തൊട്ടതെല്ലാം പൊന്നാക്കി മാറ്റുന്ന ബ്രഹ്മാണ്ഡ പ്രൊഡക്ഷൻ കമ്പനിയായ ലൈക്ക പ്രൊഡക്ഷൻസുമായാണ് ജേസൻ സഞ്ജയ് കൈകോർക്കുന്നത് (Jason Sanjay Directorial Debut With Lyca Productions).
ജേസൺ സഞ്ജയ് സംവിധായകനാകുന്നു മികച്ച കഥകൾ കണ്ടുപിടിച്ച് നിർമിക്കുകയും പ്രേക്ഷകരിലേക്ക് എത്തിക്കുകയും ചെയ്യുന്ന ലൈക്ക പ്രൊഡക്ഷൻസ് ഇക്കുറിയും സിനിമാസ്വാദകരെ ഞെട്ടിക്കാനുള്ള ഒരുക്കത്തിലാണ്. പ്രേക്ഷകർക്കായി നോൺ സ്റ്റോപ്പ് എന്‍റർടെയ്‌നർ സമ്മാനിക്കുക എന്ന ആശയം എപ്പോഴും മുന്നോട്ട് വയ്‌ക്കുന്ന ലൈക്ക പ്രൊഡക്ഷൻസിന്‍റെ പുതിയ ലൈനപ്പ് ഏതായാലും സിനിമാസ്വാദകരെ ഹരം കൊള്ളിച്ചുകഴിഞ്ഞു. നവാഗത സംവിധായകരെ മുന്നോട്ട് കൊണ്ടുവരുന്നതിലും പ്രൊമോട്ട് ചെയ്യുന്നതിലും എപ്പോഴും മുന്നിട്ട് നിൽക്കാറുണ്ട് ലൈക്ക പ്രൊഡക്ഷൻസ്.
ജേസൺ സഞ്ജയ്‌യുടെ ആദ്യ ചിത്രം ലൈക്ക പ്രൊഡക്ഷൻസിനൊപ്പം ലൈക്ക പ്രൊഡക്ഷൻസും ജേസൻ സഞ്ജയ് വിജയ്‌യും ഒന്നിക്കുന്ന ചിത്രം നിരാശരാക്കില്ല എന്നാണ് പ്രേക്ഷകരുടെ പ്രതീക്ഷ. വ്യത്യസ്‌തമായ കഥയാണ് ചിത്രം പറയുന്നതെന്നും പുതുമുഖ താരങ്ങളാകും സിനിമയിൽ അണിനിരക്കുക എന്നും ലൈക്ക പ്രൊഡക്ഷൻസ് നിർമാതാവ് എ സുബാസ്‌കരൻ പറഞ്ഞു. ഓഗസ്റ്റ് 28ന് ജേസൻ പുതിയ സിനിമയുടെ കരാർ ഒപ്പിടുന്നതിന്‍റെ ചിത്രങ്ങൾ പ്രൊഡക്ഷൻ ഹൗസ് പങ്കുവച്ചിട്ടുണ്ട്.
ലൈക്ക പ്രൊഡക്ഷൻസ് നിർമാതാവ് എ. സുബാസ്‌കരന്‍റെ വാക്കുകൾ: 'പുതിയ യുവാക്കളായ സിനിമ മോഹികളെ പ്രോത്സാഹിപ്പിക്കാൻ ലൈക്ക പ്രൊഡക്ഷൻസ് എപ്പോഴും മുന്നിട്ട് ഇറങ്ങാറുണ്ട്. ഞങ്ങളുടെ അടുത്ത ചിത്രം ജേസൻ സഞ്ജയ് സംവിധാനം ചെയ്യാൻ ഒരുങ്ങുകയാണ്. വ്യത്യസ്‌തമായ കഥയാണ് ചിത്രം പറയുന്നത്.
ലണ്ടനിൽ ബിഎ സ്‌ക്രീൻ റൈറ്റിങ് പഠിച്ച ജേസൻ ടൊറോന്‍റോ ഫിലിം സ്‌കൂളിൽ ഫിലിം പ്രൊഡക്ഷൻ ഡിപ്ലോമ കോഴ്‌സും കഴിഞ്ഞിട്ടുണ്ട്. സിനിമയെക്കുറിച്ച് നല്ല ഗ്രാഹ്യമാണ് ജേസണുള്ളത്. എല്ലാ സിനിമ സംവിധായകർക്കും അത് ഉണ്ടാവേണ്ടതാണ്.
ജേസനുമായുള്ള മനോഹരമായ വർക്കിങ് നിമിഷങ്ങൾക്കായി കാത്തിരിക്കുകയാണ് ഞങ്ങൾ. ചിത്രത്തിൽ പുതുമുഖ താരങ്ങളും അഭിനയിക്കും. സിനിമയുമായി ബന്ധപ്പെട്ട് മുൻനിര അണിയറ പ്രവർത്തകരുമായുള്ള ചർച്ചയിലാണ് ഞങ്ങൾ' (Lyca Productions Founder A Subaskaran).
ലൈക്ക പ്രൊഡക്ഷൻസിനൊപ്പം തന്‍റെ ആദ്യ സിനിമ ചെയ്യുന്നത് ഭാഗ്യമായി കാണുന്നുവെന്നായിരുന്നു ജേസന്‍റെ പ്രതികരണം. ലൈക്ക പ്രൊഡക്ഷൻസിന് തന്‍റെ തിരക്കഥ ഇഷ്‌ടമായെന്നും തനിക്ക് അവർ മുഴുവൻ സ്വാതന്ത്ര്യവും തന്നെന്നും ജേസൻ സഞ്ജയ് പറയുന്നു.
ജേസൺ സഞ്‌ജയുടെ വാക്കുകൾ: 'ലൈക്ക പ്രൊഡക്ഷൻസുമായി ചേർന്ന് എന്‍റെ ആദ്യ സിനിമ ചെയ്യുന്നത് ഭാഗ്യമായാണ് കാണുന്നത്. ലൈക്ക പ്രൊഡക്ഷൻസിന് എന്‍റെ തിരക്കഥ ഇഷ്‌ടമാവുകയും എനിക്കവർ മുഴുവൻ സ്വാതന്ത്ര്യവും നൽകി. സുബാസ്‌കരൻ സാറിനോടും സംവിധായകൻ ആകണമെന്ന എന്‍റെ സ്വപ്‌നം സാക്ഷാത്കരിച്ചതിന് തമിഴ് കുമരൻ സാറിനോടും ഞാൻ എന്‍റെ നന്ദി അറിയിക്കുന്നു. ഒരുപാട് പുതുമുഖ താരങ്ങൾ ചിത്രത്തിൽ അണിനിരക്കും' (Jason Sanjay about first Film).
വിജയ് നായകനായി, 2009ൽ പുറത്തിറങ്ങിയ വേട്ടൈക്കാരൻ എന്ന ചിത്രത്തിലെ ഒരു ഗാനരംഗത്തിൽ ജേസൺ പ്രത്യക്ഷപ്പെട്ടിരുന്നു. വൻ ഹിറ്റായി മാറിയ ഈ ഗാനത്തിലൂടെ പ്രേക്ഷകരുടെ മനസിൽ ഇടംപിടിച്ച ജേസൺ സഞ്ജയ് സംവിധായ കുപ്പായം അണിയുമ്പോൾ ചിത്രത്തിനായി പ്രതീക്ഷയോടെ കാത്തിരിക്കുകയാണ് സിനിമാസ്വാദകർ. പി ആർ ഒ - ശബരി.
