Naga Chaitanya birthday: പിറന്നാള് നിറവില് തെലുഗു സൂപ്പര് താരം നാഗ ചൈതന്യ. താരത്തിന്റെ 36ാം ജന്മദിനമാണ് ഇന്ന്. പിറന്നാള് ദിനത്തില് നിരവധി പേരാണ് പ്രിയതാരത്തിന് ആശംസകളും സമ്മാനങ്ങളും സര്പ്രൈസുകളുമായി രംഗത്തെത്തിയിരിക്കുന്നത്.
Naga Chaitanya 22nd movie: ഈ ദിനത്തില് താരത്തിന്റെ പുതിയ സിനിമയുടെ ടൈറ്റിലും പുറത്തുവിട്ടിരിക്കുകയാണ് അണിയറപ്രവര്ത്തകര്. നാഗ ചൈതന്യയെ നായകനാക്കി വെങ്കട് പ്രഭു സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിലാണ് പുറത്തുവിട്ടിരിക്കുന്നത്. 'കസ്റ്റഡി' എന്നാണ് സിനിമയ്ക്ക് പേരിട്ടിരിക്കുന്നത്. നാഗ ചൈതന്യയുടെ കരിയറിലെ 22ാമത്തെ ചിത്രം കൂടിയാണ് 'കസ്റ്റഡി'.
Custody title announced: സിനിമയുടെ ഫസ്റ്റ് ലുക്ക് പോസ്റ്ററിനൊപ്പമാണ് ടൈറ്റില് പങ്കുവച്ചിരിക്കുന്നത്. പുതിയ വേഷപകര്ച്ചയിലാണ് പോസ്റ്ററില് നാഗ ചൈതന്യ പ്രത്യക്ഷപ്പെട്ടിരിക്കുന്നത്. നാഗ ചൈതന്യയ്ക്ക് ചുറ്റും തോക്കും ചൂണ്ടി നില്ക്കുന്ന ഒരു കൂട്ടം പൊലിസുകാരെയാണ് പോസ്റ്ററില് കാണാനാവുക.