ഷെയിൻ നിഗം (Shane Nigam), സണ്ണി വെയ്ൻ (Sunny Wayne) എന്നിവർ പ്രധാന വേഷങ്ങളില്‍ എത്തുന്ന ക്രൈം ഡ്രാമയാണ് 'വേല' (Vela). 'വേല'യുടെ ട്രെയിലര്‍ റിലീസിനൊരുങ്ങുന്നു (Vela trailer release). ദുല്‍ഖര്‍ സല്‍മാന്‍റെ (Dulquer Salmaan) 'കിംഗ് ഓഫ് കൊത്ത'യുടെ (King of Kotha) പ്രദർശനത്തിനൊപ്പമാണ് 'വേല'യുടെ ട്രെയിലറും പ്രേക്ഷകരുടെ മുമ്പിലെത്തുന്നത്.
ഒരു പൊലീസ് കൺട്രോൾ റൂമിന്‍റെ പശ്ചാത്തലത്തിലാണ് സംവിധായകന്‍ ചിത്രം ഒരുക്കിയിരിക്കുന്നത്. പാലക്കാടും പരിസര പ്രദേശങ്ങളിലുമാണ് സിനിമയുടെ ഭൂരിഭാഗം ചിത്രീകരണവും നടന്നത്. ഷെയിൻ നിഗം, സണ്ണി വെയ്ൻ എന്നിവരെ കൂടാതെ സിദ്ധാർഥ് ഭരതന്‍, അതിഥി ബാലന്‍ എന്നിവരും ചിത്രത്തില്‍ സുപ്രധാന വേഷങ്ങളില്‍ എത്തുന്നു.
ശക്തമായ പൊലീസ് കഥാപാത്രങ്ങളെയാണ് സിനിമയില്‍ ഷെയിന്‍ നിഗമും സണ്ണി വെയ്‌നും അവതരിപ്പിക്കുന്നത്. ഇരുവരുടെയും ക്യാരക്‌ടര്‍ പോസ്‌റ്ററുകള്‍ നേരത്തെ അണിയറപ്രവര്‍ത്തകര്‍ പുറത്തുവിട്ടിരുന്നു. ക്യാരക്‌ടര്‍ പോസ്‌റ്ററുകള്‍ സോഷ്യല്‍ മീഡിയയില്‍ ശ്രദ്ധ നേടുകയും ചെയ്‌തിരുന്നു.
എം സജാസിന്‍റെ തിരക്കഥയില്‍ ശ്യാം ശശിയാണ് സിനിമയുടെ സംവിധാനം നിര്‍വഹിച്ചിരിക്കുന്നത്. സിൻസിൽ സെല്ലുലോയിഡിന്‍റെ ബാനറിൽ എസ് ജോർജ് ആണ് നിര്‍മാണം നിര്‍വഹിച്ചിരിക്കുന്നത്. ബാദുഷ പ്രൊഡക്ഷൻസാണ് സിനിമയുടെ സഹ നിർമാതാക്കൾ. ദുൽഖർ സൽമാന്‍റെ വേഫാറർ ഫിലിംസ് ആണ് 'വേല' തിയേറ്ററുകളില്‍ എത്തിക്കുന്നത്‌.
ഛായാഗ്രഹണം - സുരേഷ് രാജൻ, ചിത്ര സംയോജനം - മഹേഷ്‌ ഭുവനേന്ദ്, സംഗീതം - സാം സി എസ്, കലാസംവിധാനം - ബിനോയ്‌ തലക്കുളത്തൂർ, വസ്ത്രാലങ്കാരം - ധന്യ ബാലകൃഷ്‍ണൻ, മേക്കപ്പ് - അമൽ ചന്ദ്രൻ, ചീഫ് അസോസിയേറ്റ് ഡയറക്‌ടര്‍ - പ്രശാന്ത് ഈഴവൻ, അസോസിയേറ്റ് ഡയറക്ടേഴ്സ് - ഷൈൻ കൃഷ്ണ, തൻവിൻ നസീർ, അസിസ്‌റ്റന്‍റ് ഡയറക്ടേഴ്സ് - അദിത്ത് എച്ച് പ്രസാദ്, അഭിലാഷ് പി ബി, ഷിനോസ്, എക്‌സിക്യുട്ടീവ് പ്രൊഡ്യൂസർ - സുനിൽ സിംഗ്, പ്രൊഡക്ഷൻ കൺട്രോളർ - പ്രശാന്ത് നാരായണൻ, കൊറിയോഗ്രാഫി - കുമാർ ശാന്തി, സംഘട്ടനം - പി സി സ്‌റ്റണ്ട്‍സ്, പ്രൊഡക്ഷൻ എക്‌സിക്യുട്ടീവ് - എബി ബെന്നി, ഔസേപ്പച്ചൻ, പ്രൊജക്‌ട് ഡിസൈനർ - ലിബർ ഡേഡ് ഫിലിംസ്, സൗണ്ട് ഡിസൈൻ - എം ആർ രാജാകൃഷ്‌ണൻ, ഫിനാൻസ് കൺട്രോളർ - അഗ്നിവേശ്, പ്രൊഡക്ഷൻ മാനേജർ - മൻസൂർ, ഡിസൈൻസ് - ടൂണി ജോൺ, സ്‌റ്റിൽസ് - ഷുഹൈബ് എസ് ബി കെ, പബ്ലിസിറ്റി - ഓൾഡ് മോങ്ക്‌സ്, പിആർഒ - പ്രതീഷ് ശേഖർ.
Also Read:King of Kotha promotion മലയാള സിനിമയിൽ ഇതാദ്യം, ന്യൂയോർക്കിലെ ടൈം സ്‌ക്വയറിൽ കിംഗ് ഓഫ് കൊത്തയുടെ വമ്പൻ പ്രൊമോഷൻ
അതേസമയം ലോക വ്യാപകമായി ഓഗസ്‌റ്റ് 24നാണ് 'കിംഗ് ഓഫ് കൊത്ത' തിയേറ്ററുകളില്‍ എത്തുന്നത്. സംവിധായകന്‍ ജോഷിയുടെ മകന്‍ അഭിലാഷ് ജോഷിയുടെ ആദ്യ സംവിധാന സംരംഭമായ ചിത്രം ബിഗ് ബജറ്റിലാണ് ഒരുക്കിയിരിക്കുന്നത്. അഭിലാഷിന്‍റെ സ്വപ്‌ന പദ്ധതി കൂടിയാണ് ചിത്രം. സീ സ്‌റ്റുഡിയോസും ദുല്‍ഖര്‍ സല്‍മാന്‍റെ വേഫാറർ ഫിലിംസും ചേര്‍ന്നാണ് 'കിംഗ് ഓഫ് കൊത്ത'യുടെ നിര്‍മാണം നിര്‍വഹിച്ചിരിക്കുന്നത്.
