The Archies teaser: കിങ്‌ ഖാന്‍ ഷാരൂഖ് ഖാന്‍റെ മകള്‍ സുഹാന ഖാന്‍, ശ്രീദേവിയുടെ മകള്‍ ഖുഷി കപൂര്‍ എന്നിവരെ കേന്ദ്രകഥാപാത്രങ്ങളാക്കി സോയ അക്‌തര്‍ ഒരുക്കുന്ന ചിത്രമാണ് 'ദ്‌ ആര്‍ച്ചീസ്‌'. ചിത്രത്തിന്‍റെ ടീസര്‍ റിലീസ്‌ ചെയ്‌തു. ആര്‍ച്ചി എന്ന ലോക പ്രശസ്‌തമായ കോമിക്ക്‌ പുസ്‌തകത്തെ ആസ്‌പദമാക്കി ഒരുക്കുന്ന ചിത്രമാണിത്‌.
The Archies release | The Archies first look: സിനിമയുടെ ഫസ്‌റ്റ്‌ ലുക്ക്‌ പോസ്‌റ്ററും അണിയറപ്രവര്‍ത്തകര്‍ പുറത്തുവിട്ടു. 'ദ്‌ ആര്‍ച്ചീസ്‌' ഒടിടി റിലീസായാണ് പ്രേക്ഷകര്‍ക്ക്‌ മുമ്പിലെത്തുക. ഒടിടി പ്ലാറ്റ്‌ഫോമായ നെറ്റ്‌ഫ്ലിക്‌സിലൂടെയാണ് ചിത്രത്തിന്‍റെ റിലീസ്‌.
Amitabh Bachchan shares The Archies post: ടീനേജ്‌ റൊമാന്‍റിക്‌ കോമഡി വിഭാഗത്തിലായാണ് ചിത്രം ഒരുങ്ങുന്നത്‌. അമിതാഭ്‌ ബച്ചന്‍റെ മകള്‍ ശ്വേത ബച്ചന്‍ നന്ദയുടെ മകന്‍ അഗസ്‌ത്യ നന്ദയാണ് സിനിമയില്‍ ടൈറ്റില്‍ റോളിലെത്തുക. 'ദ്‌ ആര്‍ച്ചീസ്‌' പോസ്‌റ്റര്‍ പങ്കുവച്ച് അമിതാഭ്‌ ബച്ചന്‍ കൊച്ചുമകന് ആശംസകള്‍ അറിയിച്ചു. 'മറ്റൊരു പുത്രോദയം.. എന്‍റെ ചെറുമകൻ.. എല്ലാ അനുഗ്രഹങ്ങളും അഗസ്‌ത്യ... നിന്നെ സ്നേഹിക്കുന്നു'- അമിതാഭ്‌ ബച്ചന്‍ കുറിച്ചു.