Suresh Gopi and Biju Menon once again team up after 12 years : നീണ്ട കാത്തിരിപ്പിനൊടുവില്‍ സുരേഷ് ഗോപിയും ബിജു മേനോനും ഒന്നിക്കുന്നു. 'ഗരുഡന്‍' എന്ന ചിത്രത്തിലൂടെയാണ്, 12 വര്‍ഷങ്ങള്‍ക്ക് ശേഷം ഈ സൂപ്പര്‍ കോമ്പോ ഒരുമിച്ചെത്തുന്നത്. സിനിമയുടെ ടൈറ്റില്‍ മോഷന്‍ പോസ്‌റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
Garudan title motion poster released: ഒരു ക്രൈം ത്രില്ലര്‍ ചിത്രമാകും 'ഗരുഡന്‍' എന്നാണ് ടൈറ്റില്‍ മോഷന്‍ പോസ്‌റ്റര്‍ നല്‍കുന്ന സൂചന. സുരേഷ് ഗോപിയുടെയും ബിജു മേനോന്‍റെയും കണ്ണുകള്‍ ഉള്‍പ്പെടുത്തി കൊണ്ടുള്ളതാണ് ടൈറ്റില്‍ മോഷന്‍ പോസ്‌റ്റര്‍.
Arun Varum to direct Garudan movie: അരുണ്‍ വര്‍മയാണ് സിനിമയുടെ സംവിധാനം. നടനും സംവിധായകനുമായ മേജര്‍ രവിക്കൊപ്പം പ്രവര്‍ത്തിച്ചിട്ടുള്ള അരുണ്‍ വര്‍മ നിരവധി പരസ്യ ചിത്രങ്ങള്‍ സംവിധാനം ചെയ്‌തിട്ടുണ്ട്.
Also Read: രാജസ്ഥാന്‍റെ വിജയം ആഘോഷിച്ച് ജയറാമും ബിജു മേനോനും, സഞ്‌ജുവിനായി ആര്‍പ്പുവിളിച്ച് താരങ്ങള്‍
Garudan movie written by Midhun Manuel Thomas: മിഥുന്‍ മാനുവല്‍ തോമസിന്‍റേതാണ് തിരക്കഥ. 'അഞ്ചാം പാതിര'യ്‌ക്ക് ശേഷം മിഥുന്‍ മാനുവല്‍ തിരക്കഥ ഒരുക്കുന്ന മറ്റൊരു ത്രില്ലര്‍ ചിത്രം കൂടിയാണിത്. മാജിക് ഫ്രെയിംസാണ് സിനിമയുടെ നിര്‍മാണം. മിഥുന്‍ മാനുവലും മാജിക് ഫ്രെയിംസും ഒന്നിക്കുന്ന ആദ്യ ചിത്രം കൂടിയാണ് 'ഗരുഡന്‍'. ജിനേഷ് ആണ് സിനിമയുടെ കഥ രചിച്ചിരിക്കുന്നത്.
Also Read:തങ്കം ആമസോണ്‍ പ്രൈമിലേക്ക്, ഒടിടി റിലീസ് തിയതി പുറത്ത്
Garudan movie crew members: അജയ്‌ ഡേവിഡ് കാച്ചപ്പിള്ളിയാണ് ഛായാഗ്രഹണം. സുരേഷ് ഗോപിയുടെ 'പാപ്പന്‍' എന്ന സിനിമയ്ക്ക് വേണ്ടി ക്യാമറ ചലിപ്പിച്ചതും അജയ്‌ ഡേവിഡ് കാച്ചപ്പിള്ളിയാണ്. ശ്രീജിത്ത് സാരംഗ് എഡിറ്റിംഗും ജേക്‌സ്‌ ബിജോയ് സംഗീതവും നിര്‍വഹിക്കും. റോണക്‌സ് സേവ്യര്‍ ആണ് മേക്കപ്പ്. സ്‌റ്റെഫി സേവ്യര്‍ കോസ്‌റ്റ്യൂമും നിര്‍വഹിക്കും.
Also Read:ത്രെഡ് കേട്ടപ്പോള്‍ തന്നെ കൗതുകം തോന്നിയെന്ന് ഫഹദ് ; ആ ടീമിനൊപ്പം ഒരു പടം ആഗ്രഹിച്ചിരുന്നുവെന്ന് ബിജു മേനോന്‍
Suresh Gopi and Biju Menon movies: നവാഗതനായ മാത്യൂസ് തോമസ് സംവിധാനം ചെയ്യുന്ന ആക്ഷന്‍ ഡ്രാമ ചിത്രമായ 'ഒറ്റക്കൊമ്പനില്‍' ഇരുതാരങ്ങളും ഒന്നിച്ചെത്തുമെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നെങ്കിലും ഇത് സംബന്ധിച്ച് പുതിയ വിവരങ്ങളില്ല. 'എഫ്‌ഐആര്‍', 'രണ്ടാം ഭാവം', 'കളിയാട്ടം', 'ക്രിസ്‌റ്റ്യന്‍ ബ്രദേഴ്‌സ്‌', 'പത്രം', 'കിച്ചാമണി എംബിഎ' എന്നീ ചിത്രങ്ങളില്‍ സുരേഷ് ഗോപിയും ബിജു മേനോനും ഒന്നിച്ചഭിനയിച്ചിട്ടുണ്ട്.
ക്രിസ്‌റ്റ്യന്‍ ബ്രദേഴ്‌സിലാണ് ഏറ്റവും ഒടുവില്‍ സുരേഷ് ഗോപിയും ബിജു മേനോനും ഒന്നിച്ചെത്തിയത്. 2018ല്‍ ജോഷി സംവിധാനം ചെയ്‌ത ചിത്രത്തില്‍ മോഹന്‍ലാല്‍, ദിലീപ്, ശരത് കുമാര്‍ എന്നിവരും മുഖ്യ വേഷങ്ങളില്‍ എത്തിയിരുന്നു. ഒരു പതിറ്റാണ്ടിന് ശേഷം സുരേഷ് ഗോപിയും ബിജു മേനോനും വീണ്ടും ഒന്നിച്ചെത്തുമ്പോള്‍ പ്രേക്ഷകരുടെ പ്രതീക്ഷയും വാനോളമാണ്.
