ഐശ്വര്യയ്‌ക്കൊപ്പം തിരുമല തിരുപ്പതി ക്ഷേത്ര ദര്‍ശനം നടത്തി രജനികാന്ത്
ആന്ധ്രപ്രദേശ്: സൂപ്പര്‍സ്‌റ്റാര്‍ രജനികാന്ത് മകള്‍ ഐശ്വര്യയ്‌ക്കൊപ്പം തിരുമലയിലെ ശ്രീ വെങ്കിടേശ്വര ക്ഷേത്രം സന്ദര്‍ശിച്ചു. ക്ഷേത്ര വൈദികരുടെ നേതൃത്വത്തിൽ രജനികാന്തും മകളും വിവിധ ചടങ്ങുകൾ നിര്‍വഹിച്ചു. തുടർന്ന് ഇരുവരും രംഗനായകുല മണ്ഡപത്തിൽ വേദ ആശിര്‍വചനം അർപ്പിച്ചു.
തിരുമല തിരുപ്പതി ദേവസ്ഥാനം അധികൃതര്‍ രജനികാന്തിനും മകള്‍ക്കും ഊഷ്‌മള സ്വീകരണമാണ് നല്‍കിയത്. ബുധനാഴ്‌ച (14.12.22) രാത്രി ക്ഷേത്ര നഗരിയിലെത്തിയ അച്ഛനും മകളും വ്യാഴാഴ്‌ച അതിരാവിലെയാണ് ക്ഷേത്ര ദര്‍ശനം നടത്തിയത്. ക്ഷേത്ര ദര്‍ശനം നടത്തുന്ന രജനികാന്തിന്‍റെയും ഐശ്വര്യയുടെയും വീഡിയോ സോഷ്യല്‍ മീഡിയയില്‍ വൈറലാവുകയാണ്.