Lokesh Kanagaraj Thalapathy Vijay movie: ലോകേഷ് കനകരാജ് ദളപതി വിജയ്‌ കൂട്ടുകെട്ടില്‍ ഒരുങ്ങുന്ന ഏറ്റവും പുതിയ ചിത്രമാണ് 'ലിയോ'. തൃഷയാണ് ചിത്രത്തില്‍ വിജയ്‌യുടെ നായികയായെത്തുന്നത്. 14 വര്‍ഷങ്ങള്‍ക്ക് ശേഷമാണ് ഇരുവരും ലോകേഷ് കനകരാജ് ചിത്രത്തിലൂടെ ഒന്നിക്കുന്നത്.
Thalapathy Vijay Leo new update: പ്രേക്ഷകര്‍ നാളേറെയായി ആകാംഷയോടെ കാത്തിരിക്കുന്ന സിനിമയുടെ ഓരോ പുതിയ അപ്‌ഡേറ്റുകളും ആരാധകര്‍ ആഘോഷമാക്കാറുണ്ട്. ഇപ്പോഴിതാ സിനിമയുമായി ബന്ധപ്പെട്ടുള്ള ഒരു സ്‌റ്റില്‍ ആണ് സോഷ്യല്‍ മീഡിയയില്‍ വൈറലാവുന്നത്. വിജയ്‌യുടെയും തൃഷയുടെയും വിമാന യാത്രയ്‌ക്കിടെയുള്ള ഒരു ചിത്രമാണ് വിമാനക്കമ്പനിയായ സ്പൈസ് ജെറ്റ് ട്വീറ്റ് ചെയ്‌തിരിക്കുന്നത്.
Spicejet shares Vijay Trisha Krishnan picture: വിജയ്‌യുടെയും തൃഷയുടെയും യാത്രയില്‍ ഭാഗമായതിന്‍റെ ആവേശത്തിലാണ് തങ്ങളെന്നാണ് വിമാന കമ്പനി പറയുന്നത്. 'പെര്‍ഫക്‌ടായ ഗംഭീര കോമ്പിനേഷന്‍. ഞങ്ങളെ തിരഞ്ഞെടുത്തതിന് വിജയ്‌ സാറിനും തൃഷയ്‌ക്കും നന്ദി. നിങ്ങളുടെ യാത്രയുടെ ഭാഗമാകാന്‍ കഴിഞ്ഞതിന്‍റെ ആവേശത്തിലാണ്' -ഇപ്രകാരമാണ് വിജയ്‌യുടെയും തൃഷയുടെയും ചിത്രം പങ്കുവച്ച് സ്പൈസ് ജെറ്റ് വിമാനക്കമ്പനി കുറിച്ചത്.
Vijay movie Leo Kashmir schedule updates: അതേസമയം സിനിമയുടെ ചിത്രീകരണം പുരോഗമിക്കുകയാണ്. ഈ വര്‍ഷം ആദ്യമായിരുന്നു 'ലിയോ'യുടെ ചിത്രീകരണം കശ്‌മീരില്‍ ആരംഭിച്ചത്. വിപുലമായ ഷെഡ്യൂളാണ് 'ലിയോ'യ്‌ക്ക് കശ്‌മീരില്‍. മാര്‍ച്ച് നാലാം വാരത്തോടെ സിനിമയുടെ കശ്‌മീര്‍ ഷെഡ്യൂള്‍ പൂര്‍ത്തിയാക്കുമെന്നാണ് റിപ്പോര്‍ട്ടുകള്‍.