Saani Kaayidham trailer: കീര്ത്തി സുരേഷ് കേന്ദ്ര കഥാപാത്രമായെത്തുന്ന ഏറ്റവും പുതിയ ചിത്രമാണ് 'സാനി കായിദം'. ചിത്രത്തിന്റെ ട്രെയ്ലര് പുറത്തിറങ്ങി. തന്റെ കുടുംബത്തെ ഇല്ലാതാക്കിയവര്ക്കെതിരെ പൊന്നിയും സങ്കായും ചേര്ന്ന് നടത്തുന്ന പോരാട്ടമാണ് 3.13 ദൈര്ഘ്യമുള്ള ട്രെയ്ലറില് ദൃശ്യമാവുക.
സംവിധായകന് സെല്വരാഘവനും ചിത്രത്തില് സുപ്രധാന വേഷത്തിലെത്തുന്നു. സെല്വരാഘവന്റെ സഹോദരിയുടെ വേഷമാണ് ചിത്രത്തില് കീര്ത്തി സുരേഷിന്. വ്യത്യസ്ത മേക്കോവറിലാണ് സിനിമയില് കീര്ത്തി സുരേഷും സെല്വരാഘവനും പ്രത്യക്ഷപ്പെടുന്നത്.
Keerthi Suresh's best role: കീര്ത്തി സുരേഷ് ആണ് ചിത്രത്തില് പൊന്നി എന്ന കരുത്തുറ്റ കഥാപാത്രത്തെ അവതരിപ്പിക്കുക. സെല്വരാഘവന് സാങ്കായ് എന്ന കഥാപാത്രത്തെയും അവതരിപ്പിക്കും. പൊന്നിയും സാങ്കായും നടത്തിയ കൊലകളുടെ കണക്കുകള് പൊലീസ് ഉദ്യോഗസ്ഥനു മുമ്പില് വെളിപ്പെടുത്തുന്ന രംഗമാണ് ട്രെയ്ലറിലുള്ളത്. തന്റെ കുടുംബത്തിന്റെ നാശത്തിന് കാരണമായ 25 പേരെയാണ് പൊന്നി അരുംകൊല ചെയ്തത്. കീര്ത്തി സുരേഷും സെല്വരാഘവനുമാണ് ട്രെയ്ലറില് ഹൈലൈറ്റാകുന്നത്.