നടി രാഖി സാവന്ത് അറസ്‌റ്റില്‍. നടി ഷെര്‍ലിന്‍ ചോപ്ര നല്‍കിയ പരാതിയെ തുടര്‍ന്നാണ് രാഖി സാവന്തിനെ അംബോലി പൊലീസ് കസ്‌റ്റഡിയിലെടുത്തത്. ഭര്‍ത്താവ് ആദില്‍ ദുറാനിയും ഒന്നിച്ചുള്ള ഡാന്സ് അക്കാദമി ലോഞ്ച് ഇന്ന് (ജനുവരി 19ന്) ഉച്ച കഴിഞ്ഞ് 3 മണിക്ക് ചെയ്യാനിരിക്കെയാണ് രാഖി സാവന്തിനെ പൊലീസ് കസ്‌റ്റഡിയിലെടുത്തത്.
നടി ഷെര്‍ലിന്‍ ചോപ്രയാണ് രാഖി സാവന്തിന്‍റെ അറസ്‌റ്റ് ട്വിറ്ററിലൂടെ അറിയിച്ചത്. 'എഫ്‌ഐആര്‍ 883/2022 പ്രകാരമാണ് രാഖി സാവന്തിനെ അംബോലി പൊലീസ് അറസ്‌റ്റ് ചെയ്‌തത്. കഴിഞ്ഞ ദിവസം രാഖി സാവന്തിന്‍റെ എബിഎ 1870/2022 ജാമ്യാപേക്ഷ മുംബൈ സെഷന്‍സ് കോടതി നിരസിച്ചിരുന്നു' - ഷെര്‍ലിന്‍ ചോപ്ര ട്വീറ്റ് ചെയ്‌തു.