പുതുമുഖങ്ങള്‍ അണിനിരക്കുന്ന സൈക്കോ ത്രില്ലർ ചിത്രം 'മുറിവി'ന്‍റെ ടീസര്‍ റിലീസ് ചെയ്‌തു. ഒരു കൊലപാതകവും തുടര്‍ന്നുണ്ടാകുന്ന സംഭവവികാസങ്ങളുമാണ് 42 സെക്കന്‍ഡ് ദൈര്‍ഘ്യമുള്ള ടീസറില്‍ (Murivu Teaser). ഷാരൂഖ് ഷമീർ, റിയാദ് മുഹമ്മദ്, സോന ഫിലിപ്പ്, അൻവർ ലുവ, കൃഷ്‌ണ പ്രവീണ, ശിവ, ഭഗത് വേണുഗോപാൽ, ദീപേന്ദ്ര, ലിജി ജോയ്, ജയകൃഷ്‌ണൻ, സൂര്യകല തുടങ്ങി നിരവധി പേര്‍ ഈ ആക്ഷൻ ത്രില്ലറില്‍ അണിനിരക്കുന്നു.
സംവിധായകൻ അജയ് വാസുദേവ്, തിരക്കഥാകൃത്തും നിർമ്മാതാവുമായ നിഷാദ് കോയ എന്നിവരും 'മുറിവി'ൽ അഭിനയിക്കുന്നുണ്ട്. നേരത്തെ 'മുറിവി'ന്‍റെ ഫസ്‌റ്റ് ലുക്ക് പോസ്‌റ്റര്‍ റിലീസ് ചെയ്‌തിരുന്നു (Murivu First Look Poster). സുരേഷ് ഗോപി, തമിഴ് നടൻ ജീവ, ദേവ് മോഹൻ, രാജ് ബി ഷെട്ടി തുടങ്ങി നിരവധി താരങ്ങള്‍ തങ്ങളുടെ സോഷ്യൽ മീഡിയ പേജുകളിലൂടെയാണ് ഫസ്‌റ്റ് ലുക്ക് പുറത്തുവിട്ടത്.
Also Read:മിഥുന്‍ മാനുവല്‍- ജയറാം കൂട്ടുകെട്ടില്‍ ക്രൈം ത്രില്ലര്‍; 'അബ്രഹാം ഓസ്‌ലര്‍' റിലീസ് പ്രഖ്യാപിച്ചു
2024 ജനുവരിയിൽ ചിത്രം റിലീസ് ചെയ്യും (Murivu Release). കെ ഷെമീർ ആണ് സിനിമയുടെ രചനയും സംവിധാനവും നിർവഹിച്ചിരിക്കുന്നത്. വേ ടു ഫിലിംസ് എന്‍റര്‍ടെയിന്‍മെന്‍റ്‌, ബിയോണ്ട് സിനിമ ക്രിയേറ്റീവ്സ് എന്നീ ബാനറുകളിലാണ് സിനിമയുടെ നിര്‍മാണം. ഗുഡ്‌വിൽ എന്‍റര്‍ടെയിന്‍മെന്‍റ്‌ ആണ് 'മുറിവി'ന്‍റെ മ്യൂസിക് റൈറ്റ്സ് സ്വന്തമാക്കിയിരിക്കുന്നത്.