ആരാധകപിന്തുണയുടെ കാര്യത്തില് മലയാളത്തില് മുന്നില് നില്ക്കുന്ന താരങ്ങളില് ഒരാളാണ് നിവിന് പോളി. എന്റര്ടെയ്നര് സിനിമകള്ക്കൊപ്പം ശക്തമായ കഥാപാത്രങ്ങള് ചെയ്തും പ്രേക്ഷക പ്രശംസ നേടിയിട്ടുണ്ട് നടന്. കഴിഞ്ഞ വര്ഷം തുടര്ച്ചയായി സിനിമകള് പരാജയപ്പെട്ടത് താരത്തിന്റെ കരിയറില് തിരിച്ചടിയായി. സിനിമകള് ഓടാത്തതിന് പുറമെ ശരീരഭാരം കൂടിയതിന്റെ പേരില് ബോഡി ഷെയിമിങ്ങും മറ്റ് മോശം കമന്റുകളും നിവിനെതിരെ ഉണ്ടായിരുന്നു.
ഇപ്പോഴിതാ നടന്റേതായി പുറത്തിറങ്ങിയ പുതിയ ട്രാന്സ്ഫര്മേഷന് ചിത്രം കണ്ട് അമ്പരന്നിരിക്കുകയാണ് ആരാധകര്. അജു വര്ഗീസ് ഉള്പ്പടെയുളളവര് നിവിന് പോളിയുടെ ചിത്രം സോഷ്യല് മീഡിയയില് പങ്കുവച്ചിട്ടുണ്ട്. നിവിന്റെ പഴയതും പുതിയതുമായ ചിത്രങ്ങളാണ് അജു പോസ്റ്റ് ചെയ്തിരിക്കുന്നത്. ശരീരവണ്ണത്തിന്റെ പേരില് വിമര്ശിക്കപ്പെട്ട താരത്തിന്റെ തിരിച്ചുവരവ് ആഘോഷിക്കുകയാണ് ആരാധകര്.