Mithali Raj biopic: ഇന്ത്യന്‍ വനിത ക്രിക്കറ്റ് ഇതിഹാസം മിതാലി രാജിന്‍റെ ജീവചരിത്രം പറയുന്ന ചിത്രമാണ് 'സബാഷ് മിത്തു'. പ്രഖ്യാപനം മുതല്‍ ശ്രദ്ധേയമായ ചിത്രത്തിന്‍റെ ഓരോ പുതിയ വിശേഷങ്ങളും ആരാധകര്‍ ഏറ്റെടുക്കാറുണ്ട്‌. ഇപ്പോഴിതാ ചിത്രത്തിന്‍റെ പുതിയ റിലീസ്‌ തീയതി പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
Shabaash Mithu release date: 2022 ജൂലായ്‌ 15നാണ് ചിത്രം തിയേറ്ററുകളിലെത്തുക. നേരത്തെ ഫെബ്രുവരി 4ന് ചിത്രം തിയേറ്ററുകളിലെത്തുമെന്നാണ് അറിയിച്ചിരുന്നത്‌. എന്നാല്‍ കൊവിഡ്‌ സാഹചര്യത്തില്‍ റിലീസ്‌ മാറ്റിവയ്‌ക്കുകയായിരുന്നു.
Taapsee Pannu as Mithali Raj: തപ്‌സി പന്നുവാണ് ചിത്രത്തില്‍ മിതാലിയുടെ വേഷം അവതരിപ്പിക്കുക. ഇന്ത്യന്‍ ഏകദിന ടെസ്റ്റ് വനിതാ ക്രിക്കറ്റ് ടീം ക്യാപ്റ്റന് ആയിരുന്നു മിതാലി രാജ്‌. നേരത്തെ ചിത്രത്തിന്‍റെ ഫസ്റ്റ് ലുക്ക് പോസ്‌റ്റര്‍ അണിയറപ്രവര്‍ത്തകര്‍ പുറത്തുവിട്ടിരുന്നു. ഫസ്റ്റ് ലുക്ക് പോസ്‌റ്ററിന് മികച്ച സ്വീകാര്യതയാണ് പ്രേക്ഷകരില്‍ നിന്നും ലഭിച്ചത്‌.