മീന കേന്ദ്രകഥാപാത്രത്തെ അവതരിപ്പിക്കുന്ന 'ആനന്ദപുരം ഡയറീസ്' സിനിമയുടെ ചിത്രീകരണത്തിന് തുടക്കം (Anandapuram Diaries Started). കൽപറ്റയിലാണ് ജയ ജോസ് രാജ് തിരക്കഥയെഴുതി സംവിധാനം ചെയ്യുന്ന 'ആനന്ദപുരം ഡയറീസി'ന്‍റെ ഷൂട്ടിംഗ് ആരംഭിച്ചത് (Meena's Anandapuram Diaries Shooting started ). 'ഇടം' എന്ന ചിത്രത്തിന് ശേഷം ജയ ജോസ് രാജ് ഒരുക്കുന്ന സിനിമയാണ് 'ആനന്ദപുരം ഡയറീസ്'.
മീനയ്‌ക്കൊപ്പം ശ്രീകാന്ത്, മനോജ് കെ ജയൻ എന്നിവരും ഈ ചിത്രത്തിൽ പ്രധാന കഥാപാത്രങ്ങളായി എത്തുന്നു. സിദ്ധാർഥ് ശിവ, സുധീർ കരമന, ജാഫർ ഇടുക്കി, റോഷൻ റൗഫ്, ജയകുമാർ, ജയരാജ് കോഴിക്കോട്, സൂരജ് തേലക്കാട്, മീര നായർ, മാല പാർവതി, ദേവിക ഗോപാൽ നായർ, രമ്യ സുരേഷ്, ആർജെ അഞ്ജലി, കുട്ടി അഖിൽ (കോമഡി സ്റ്റാർസ്) തുടങ്ങിയവരും മറ്റ് വേഷങ്ങളിൽ അണിനിരക്കുന്നു (Anandapuram Diaries cast). 'ബ്രോ ഡാഡി' എന്ന ചിത്രത്തിന് ശേഷം മീന മലയാളത്തില്‍ അഭിനയിക്കുന്ന സിനിമ കൂടിയാണ് 'ആനന്ദപുരം ഡയറീസ്'.
നീൽ പ്രൊഡക്ഷൻസ് ഇന്ത്യ പ്രൈവറ്റ് ലിമിറ്റഡിന്‍റെ ബാനറിൽ ശശി ഗോപാലൻ നായരാണ് 'ആനന്ദപുരം ഡയറീസി'ന്‍റെ നിർമാണം. കൂടാതെ ചിത്രത്തിന്‍റെ കഥ എഴുതിയിരിക്കുന്നതും ശശി ഗോപാലൻ നായരാണ്. ഷാൻ റഹ്മാൻ, ആൽബർട്ട് വിജയൻ എന്നിവരാണ് സിനിമയ്‌ക്ക് സംഗീതം പകരുന്നത്. റഫീഖ് അഹമ്മദ്, മനു മഞ്ജിത്ത് എന്നിവരാണ് ഗാനരചന.