Jana Gana Mana box office collection: പൃഥ്വിരാജ്, സുരാജ് വെഞ്ഞാറമൂട് എന്നിവര് കേന്ദ്രകഥാപാത്രങ്ങളായെത്തിയ 'ജന ഗണ മന' മികച്ച പ്രതികരണങ്ങളോടെ തിയേറ്ററുകളില് മുന്നേറുകയാണ്. 'ഡ്രൈവിങ് ലൈസന്സി'ന് ശേഷം പൃഥ്വിരാജും സുരാജ് വെഞ്ഞാറമൂടും ഒരിക്കല് കൂടി ഒന്നിക്കുന്ന ചിത്രമാണ് 'ജന ഗണ മന'. വേള്ഡ് വൈഡ് റിലീസായെത്തിയ ചിത്രത്തിന്റെ കലക്ഷന് റിപ്പോര്ട്ടുകള് പുറത്ത് വിട്ടിരിക്കുകയാണ് അണിയറപ്രവര്ത്തകര്.
Jana Gana Mana 3 days collection: മൂന്ന് ദിവസം കൊണ്ട് കേരളത്തില് നിന്നു മാത്രം 5.15 കോടി രൂപയാണ് ചിത്രം നേടിയത്. 1.6 കോടി രൂപയാണ് ആദ്യ ദിനം കേരളത്തില് നിന്നുമാത്രം ചിത്രം സ്വന്തമാക്കിയത്. രണ്ടും മൂന്നും ദിവസങ്ങളില് രണ്ട് കോടി വീതമാണ് 'ജന ഗണ മന' കേരളത്തില് നിന്നും നേടിയത്.
കേരളത്തിന് പുറത്തുള്ള സെന്ററുകളിലും മികച്ച ബുക്കിംഗാണ് ചിത്രം നേടുന്നത്. അതേസമയം, ചിത്രത്തിന്റെ കലക്ഷന് റിപ്പോര്ട്ടുകള് നിര്മാതാക്കള് ഔദ്യോഗികമായി പുറത്തുവിട്ടിട്ടില്ല. കഴിഞ്ഞ ദിവസം തിയേറ്ററുകളിലെത്തിയ മമ്മൂട്ടിയുടെ 'സിബിഐ 5', 'ജന ഗണ മന'യുടെ ഞായറാഴ്ച കലക്ഷനെ പ്രതിഫലിക്കുമെന്ന ആശങ്കയും അണിയറപ്രവര്ത്തകര്ക്കുണ്ട്.