Hansika to tie knot with Sohail Kathuria: തെന്നിന്ത്യന്‍ താര സുന്ദരി ഹന്‍സിക മോട് വിവാഹിതയാകുന്നു. ഹന്‍സികയുടെ തന്നെ ബിസിനസ് പങ്കാളിയായ വ്യവസായി സൊഹൈല്‍ കതൂരിയ ആണ് താരത്തിന്‍റെ കഴുത്തില്‍ മിന്ന് ചാര്‍ത്തുക. രാജസ്ഥാന്‍ സ്വദേശിയാണ് സൊഹൈല്‍. ജയ്‌പൂരിലെ മുണ്ടോട കൊട്ടാരത്തില്‍ വച്ചാകും വിവാഹം നടക്കുന്നതെന്നാണ് റിപ്പോര്‍ട്ടുകള്‍.
Hansika wedding celebrations: ഡിസംബര്‍ നാലിനാണ് വിവാഹം. ഡിസംബര്‍ രണ്ടിന് സൂഫി നൈറ്റോടു കൂടിയാണ് വിവാഹ ചടങ്ങുകള്‍ക്ക് തുടക്കം കുറിക്കുക. മെഹന്ദി- സംഗീത ആഘോഷം ഡിസംബര്‍ മൂന്നിനും നടക്കും. ഇരുവരുടെയും ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലാകും വിവാഹ ചടങ്ങുകള്‍ നടക്കുക.
Hansika introduces fiance Sohael: ഹന്‍സികയും തന്‍റെ വരനെ കുറിച്ച് ആരാധകര്‍ക്ക് മുമ്പില്‍ പരിചയപ്പെടുത്തിയിരിക്കുകയാണിപ്പോള്‍. തന്നെ പ്രൊപ്പോസ് ചെയ്യുന്ന സൊഹൈലിന്‍റെ ചിത്രങ്ങള്‍ താരം ഇന്‍സ്‌റ്റഗ്രാമില്‍ പങ്കുവച്ചിരിക്കുകയാണ്. ഈഫല്‍ ഗോപുരത്തിന് മുമ്പില്‍ വച്ചാണ് സൊഹൈല്‍ ഹന്‍സികയെ പ്രൊപ്പോസ് ചെയ്‌തത്.