Atlee and Priya blessed with a baby boy: തെന്നിന്ത്യന്‍ സൂപ്പര്‍ഹിറ്റ് സംവിധായകന്‍ അറ്റ്‌ലിക്കും ഭാര്യ പ്രിയക്കും ആണ്‍കുഞ്ഞ് പിറന്നു. കുഞ്ഞ് ജനിച്ച വിവരം തങ്ങളുടെ സോഷ്യല്‍ മീഡിയ പേജുകളിലൂടെയാണ് ദമ്പതികള്‍ അറിയിച്ചിരിക്കുന്നത്. ഭാര്യ പ്രിയയ്‌ക്കൊപ്പമുള്ള മനോഹരമായ ചിത്രം പങ്കുവച്ച് കൊണ്ടാണ് അറ്റ്‌ലി ഈ സന്തോഷ വിവരം ഏവരെയും അറിയിച്ചിരിക്കുന്നത്.
Atlee s Instagram post about his baby: ജീവിതത്തിലെ പുതിയൊരു ഘട്ടത്തിന് തുടക്കം കുറിക്കുകയാണെന്നും ഏവരുടെയും പ്രാര്‍ഥനകളും അനുഗ്രഹങ്ങളും വേണമെന്നും ദമ്പതികള്‍ ട്വിറ്ററിലൂടെ അറിയിച്ചു. മാതാപിതാക്കള്‍ എന്ന നിലയിലുള്ള തങ്ങളുടെ യാത്ര ഇവിടെ ആരംഭിക്കുകയാണെന്ന് അറ്റ്‌ലി കുറിച്ചു.
Atlee penned a note on his baby: 'എല്ലാവരും പറഞ്ഞത് ശരിയാണ്, ലോകത്തെ ഇതുപോലെ ഒരു ഫീലിങ് വേറെയില്ല. ഞങ്ങളുടെ മകന്‍ എത്തി. രക്ഷിതാക്കള്‍ എന്ന നിലയിലുള്ള സാഹസികവും ആവേശകരവുമായ യാത്ര ഇവിടെ ആരംഭിക്കുന്നു.' -ഇപ്രകാരമാണ് അറ്റ്‌ലി ഇന്‍സ്‌റ്റഗ്രാമില്‍ കുറിച്ചത്. കിടക്കയില്‍ കിടന്ന് കുട്ടി ഷൂസുകള്‍ ഉയര്‍ത്തിപ്പിടിക്കുന്ന ദമ്പതികളുടെ ചിത്രവും ഇവര്‍ പങ്കുവച്ചിട്ടുണ്ട്. പങ്കുവച്ച ചിത്രത്തില്‍ ഇറ്റീസ് എ ബോയ്എന്നും എഴുതിയിട്ടുണ്ട്.
Atlee s Instagram story: കുഞ്ഞ് ജനിച്ചതിന് പിന്നാലെ അറ്റ്‌ലി ഇന്‍സ്‌റ്റഗ്രാമില്‍ ഒരു സ്‌റ്റോറിയും പങ്കുവച്ചിരുന്നു. കുഞ്ഞിനെ അഭിസംബോധന ചെയ്യും പോലെയായിരുന്നു അറ്റ്‌ലിയുടെ പോസ്‌റ്റ്. 'കുഞ്ഞേ, ഞങ്ങള്‍ നിന്നെ ആദ്യം മുതല്‍ സ്‌നേഹിച്ചിരുന്നു, നീ ഞങ്ങളുടെ ശ്വാസമായിരുന്നു, ഞങ്ങളുടെ ഹൃദയങ്ങളെ ആശ്ലേഷിച്ചു. ഞങ്ങളുടെ ഒരുമിച്ചുള്ള ജീവിതം ആരംഭിച്ചിരിക്കുന്നു, നീ ഞങ്ങളുടെ ഭാഗമാണ്, സുന്ദരനായ കുഞ്ഞേ, സ്വാഗതം... ' -അറ്റ്‌ലി കുറിച്ചു.
Congrats to Atlee and Priya: കുഞ്ഞ് ജനിച്ച വിവരം പങ്കുവച്ചതിന് പിന്നാലെ നിരവധി പേര്‍ ദമ്പതികള്‍ക്ക് ആശംസകളുമായി രംഗത്തെത്തി. കീര്‍ത്തി സുരേഷ്, കല്യാണി പ്രിയദര്‍ശന്‍ തുടങ്ങിയവരും അറ്റ്‌ലിക്കും പ്രിയക്കും ആശംസകള്‍ നേര്‍ന്നു.