AR Rahman viral tweet: 'ഞങ്ങളുടെ അസ്‌തിത്വത്തിന്‍റെ വേര്‌ തമിഴാണ്'. ഈ വാചകമാണിപ്പോള്‍ സോഷ്യല്‍ മീഡിയയില്‍ തരംഗമാകുന്നത്‌. സംഗീത ഇതിഹാസം എ.ആര്‍ റഹ്മാന്റെ ട്വീറ്റ്‌ ആണിത്‌. കേന്ദ്ര ആഭ്യന്തര മന്ത്രി അമിത്‌ ഷായുടെ ഇംഗ്ലീഷിന് പകരം ഹിന്ദി എന്ന വിവാദ പ്രസ്‌താവനക്ക്‌ തൊട്ടുപിന്നാലെയായിരുന്നു റഹ്മാന്റെ ട്വീറ്റ്‌.
തമിഴനങ്ക്‌ അഥവ തമിഴ്‌ ദേവതയുടെ ചിത്രം പങ്കുവച്ച് കൊണ്ടാണ് എ.ആര്‍ റഹ്മാന് ട്വീറ്റ്‌ ചെയ്തത്. പരമ്പരാഗത തമിഴ്‌ ശൈലിയില്‍ വെളുത്ത സാരിയണിഞ്ഞ്‌, മുടി വിടര്‍ത്തിയിട്ട്‌, കുന്തവുമേന്തി നൃത്തം ചെയ്യുന്ന സ്‌ത്രീയാണ് ചിത്രത്തിലുള്ളത്‌. പോസ്‌റ്റിന് പിന്നാലെ റഹ്മാനെ അനുകൂലിച്ചും പ്രതികൂലിച്ചും നിരവധി പേര്‍ രംഗത്തെത്തി.
തമിഴ്‌ തായ്‌ വാഴ്‌ത്ത്‌ അഥവ തമിഴ്‌ ദേശീയ ഗാനത്തിലെ ഒരു വാക്കാണ് തമിഴ്‌ ദേവത എന്നര്‍ഥമുള്ള തമിഴനങ്ക്‌. 'ഞങ്ങളുടെ അസ്‌തിത്വത്തിന്‍റെ വേര്‌ തമിഴാണ്' എന്നത്‌ കവി ഭാരതിദാസന്‍റെ 'തമിഴിയക്കം' എന്ന പുസ്‌തകത്തിലെ വരികളാണ്. മനോന്മണ്യം സുന്ദരംപിള്ള എഴുതിയ തമിഴ്‌ തായ്‌ വാഴ്‌ത്തിന് എം.എസ്‌ വിശ്വനാഥനാണ് സംഗീതം പകര്‍ന്നിരിക്കുന്നത്‌.