വാഷിങ്ടൺ : എലിസബത്ത് രാജ്ഞിയുടെ മരണത്തിന് പിന്നാലെ ബ്രിട്ടീഷ് രാജകുടുംബത്തെ സംബന്ധിക്കുന്ന നിരവധി കാര്യങ്ങളാണ് പുറത്തുവരുന്നത്. ഇതിനിടെയാണ്, രാജ്ഞിയുടെ കൊച്ചുമകൻ വില്യം രാജകുമാരനെ പരാമര്‍ശിച്ച് പോപ് ഗായിക ബ്രിട്‌നി സ്‌പിയേഴ്‌സ് 20 വര്‍ഷം മുന്‍പ് നല്‍കിയ അഭിമുഖം വീണ്ടും ശ്രദ്ധയാകര്‍ഷിക്കുന്നത്. വില്യം രാജകുമാരനും താനും തമ്മിൽ ഇന്‍റർനെറ്റിലൂടെ സൗഹൃദമുണ്ടായിരുന്നുവെന്നാണ് അന്ന് ബ്രിട്‌നി സ്‌പിയേഴ്‌സ് പറഞ്ഞത്.
2002-ൽ ഫ്രാങ്ക് സ്‌കിന്നറുമായുള്ള അഭിമുഖത്തിലാണ് ബ്രിട്‌നി സ്‌പിയേഴ്‌സ് ഇക്കാര്യം വ്യക്തമാക്കുന്നത്. ഇരുവരുടെയും യൗവനത്തുടക്കത്തിലാണ് സംഭവം. താനും വില്യം രാജകുമാരനും തമ്മിൽ ഇമെയിലിലൂടെ ആശയവിനിമയം നടത്തിയിരുന്നുവെന്നാണ് അവര്‍ പരാമര്‍ശിച്ചത്.