മലപ്പുറം: 2016ലെ നിയമസഭ തെരഞ്ഞെടുപ്പിൽ വണ്ടൂരില്‍ എ.പി അനിൽകുമാറിനെതിരെ മത്സരിച്ച എൽഡിഎഫ് സ്ഥാനാർഥി ഇന്ന് അദ്ദേഹത്തിനായി വോട്ടുതേടി രംഗത്ത്. സിപിഎം തുവ്വൂർ ലോക്കൽ കമ്മിറ്റി മുൻ സെക്രട്ടറിയും,നിലവില്‍ മുസ്ലിം ലീഗിന്‍റെ പഞ്ചായത്ത് അംഗവുമായ കെ നിഷാന്താണ് യുഡിഎഫ് സ്ഥാനാര്‍ഥി എ പി അനിൽകുമാറിനായി വോട്ടഭ്യര്‍ഥിക്കുന്നത്. 2016ല്‍ നിഷാന്തിനെ പരാജയപ്പെടുത്തിയാണ് അനില്‍കുമാര്‍ നിയമസഭയിലെത്തിയത്.
അന്ന് അനില്‍കുമാറിനോട് ഏറ്റുമുട്ടി, ഇക്കുറി അദ്ദേഹത്തിനായി വോട്ടഭ്യര്‍ഥന
എ.പി അനിൽകുമാറിനായി വോട്ടഭ്യര്‍ഥിച്ച് കഴിഞ്ഞ തവണ അദ്ദേഹത്തോട് തോറ്റ എല്‍ഡിഎഫ് സ്ഥാനാര്‍ഥി.
അന്ന് എതിരാളി, ഇന്ന് സന്തതസഹചാരി, വണ്ടൂര്‍ മണ്ഡലത്തില്‍ വ്യത്യസ്ഥ പ്രചാരണം
പഞ്ചായത്ത് തെരഞ്ഞെടുപ്പിന് മാസങ്ങൾക്ക് മുൻപ് സിപിഎം വിട്ട നിഷാന്ത് ലീഗിൽ ചേർന്നു. പിന്നീട് അക്കരപ്പുറം വാർഡിൽ മത്സരിച്ച് പഞ്ചായത്തംഗവുമായി. കഴിഞ്ഞ നിയമസഭ തെരഞ്ഞെടുപ്പിൽ ഏറ്റുമുട്ടിയവര്‍ ഇക്കുറി ഒരുമിച്ച് വോട്ട് തേടുന്നത് നാട്ടുകാരില്‍ കൗതുകമുണര്‍ത്തുകയാണ്.
അനില്‍കുമാറിന് വോട്ടഭ്യര്‍ഥിച്ച് മുന്‍ എതിരാളി കെ നിഷാന്ത്