എൽഡിഎഫ് ചരിത്രവിജയം നേടുമെന്ന് ആന്‍റണി രാജു

നിലവിലെ എംഎൽഎക്കെതിരെ മണ്ഡലത്തിൽ ശക്തമായ വികാരമുണ്ടായിരുന്നെന്നും ന്യൂനപക്ഷങ്ങളുടെ വോട്ടുകൾ എൽഡിഎഫിന് അനുകൂലമായി മാറുമെന്നും അദ്ദേഹം പറഞ്ഞു.

തിരുവനന്തപുരം: എൽഡിഎഫ് ഇത്തവണ ചരിത്ര വിജയം കൈവരിക്കുമെന്ന് സ്ഥാനാർഥി ആന്‍ണി രാജു. തിരുവനന്തപുരംസിറ്റിങ് എംഎൽഎയും യുഡിഎഫ് സ്ഥാനാർഥിയുമായ വി.എസ്. ശിവകുമാറിനെതിരെ മണ്ഡലത്തിൽ ശക്തമായ വികാരമുണ്ടായിരുന്നു. കൂടാതെ എൽഡിഎഫ്-ബിജെപി മുന്നണികൾ തമ്മിലാണ് ശക്തമായ പോരാട്ടമെന്ന രീതി ആയതോടെ ന്യൂനപക്ഷങ്ങളുടെ വോട്ടുകൾ എൽഡിഎഫിന് അനുകൂലമായി മാറുമെന്നും അദ്ദേഹം പറഞ്ഞു.

തെരഞ്ഞെടുപ്പ് ദിവസം സംസ്ഥാനത്ത് നടന്ന ശബരിമല ചർച്ചകൾ എൽഡിഎഫിന് ഒരുതരത്തിലും ദോഷമാവില്ല. എൻഎസ്എസിന്‍റെ അഭിപ്രായ പ്രകടനങ്ങൾക്ക് നല്ല മറുപടിയാണ് മുഖ്യമന്ത്രി നൽകിയത്. പ്രചാരണത്തിന്‍റെ അവസാന ദിവസങ്ങളിൽ തീരമേഖലയെ കയ്യിലെടുക്കാൻ നടത്തിയ ബിജെപിയുടെ ശ്രമങ്ങൾ ഫലിച്ചില്ലെന്നും വ്യക്തമായ ഭൂരിപക്ഷത്തിലുള്ള മികച്ച വിജയം പ്രതീക്ഷിക്കുന്നവെന്നും ആന്‍റണി രാജു പറഞ്ഞു.