മലപ്പുറം:മേലാറ്റൂരില്‍ ലൈംഗിക പീഡനത്തിനിരയായ 13കാരി ആത്മഹത്യ ചെയ്‌ത സംഭവത്തില്‍ ബന്ധുവായ യുവാവ് അറസ്റ്റില്‍. ചെര്‍പ്പുളശ്ശേരി നെല്ലായ പൊട്ടച്ചിറ സ്വദേശി റഫീഖാണ് (21) അറസ്റ്റിലായത്. നിരവധി തവണ പീഡനത്തിനിരയായ പെണ്‍കുട്ടിയെ ഇക്കഴിഞ്ഞ ജനുവരി 12നാണ് വീട്ടിനുള്ളില്‍ ആത്മഹത്യ ചെയ്‌ത നിലയില്‍ കണ്ടത്.
മരണത്തെ തുടര്‍ന്ന് നടത്തിയ പോസ്‌റ്റ്‌മോര്‍ട്ടത്തില്‍ പെണ്‍കുട്ടി ലൈംഗിക ചൂഷണത്തിന് ഇരയായതായി കണ്ടെത്തി. പോസ്‌റ്റ്‌മോര്‍ട്ടം റിപ്പോര്‍ട്ടിന്‍റെ അടിസ്ഥാനത്തില്‍ നടത്തിയ അന്വേഷണത്തിനൊടുവിലാണ് പൊലീസ് ഇയാളെ പിടികൂടിയത്. ബന്ധുവായ പെണ്‍കുട്ടിയെ പലതവണ വീട്ടില്‍ കൊണ്ടുവന്ന് ഇയാള്‍ പീഡനത്തിനിരയാക്കിയിട്ടുണ്ടെന്നും അതില്‍ മനംനൊന്താണ് പെണ്‍കുട്ടി ആത്മഹത്യ ചെയ്‌തതെന്നും അന്വേഷണത്തില്‍ തെളിഞ്ഞു.