ഉത്തര്‍പ്രദേശ്‌: ഫിറോസാബാദില്‍ സര്‍ക്കാര്‍ സ്‌ക്കൂളിലെ രണ്ടാം ക്ലാസ് വിദ്യാര്‍ഥി മരിച്ച സംഭവത്തില്‍ ദുരൂഹതയുണ്ടെന്നാരോപിച്ച് കുടുംബം. പരാതിയുടെ അടിസ്ഥാനത്തില്‍ മൃതദേഹം പോസ്‌റ്റ്‌മോര്‍ട്ടത്തിനയച്ച് പൊലീസ്. സഹപാഠികളില്‍ നിന്ന് മര്‍ദനമേറ്റതാണ് കുട്ടിയുടെ മരണത്തിന് കാരണമെന്നാണ് കുടുംബത്തിന്‍റെ ആരോപണം.
വിഷയത്തില്‍ അന്വേഷണം വേണമെന്ന് ആവശ്യപ്പെട്ട് കുടുംബം പൊലീസില്‍ പരാതി നലകി. കൃഷ്‌ണപൂരിലെ സര്‍ക്കാര്‍ സ്‌ക്കൂളിലെ രണ്ടാം ക്ലാസുകാരനാണ് ഇന്നലെ ആശുപത്രിയില്‍ ചികിത്സക്കിടെ മരിച്ചത്. തിങ്കളാഴ്‌ച സ്‌കൂളില്‍ വച്ച് ശാരീരാകാസ്വാസ്ഥ്യം അനുഭവപ്പെട്ടതിനെ തുടന്ന് ആശുപത്രിയിലെത്തിച്ച കുട്ടി ചികിത്സക്കിടെ മരിക്കുകയായിരുന്നു.