കോട്ടയം :പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ മൂന്ന് പേര്‍ അറസ്റ്റില്‍. കോരുത്തോട് സ്വദേശികളായ ശശിധരൻ (68), ഷിബു (38), മണിക്കുട്ടൻ (40) എന്നിവരാണ് പിടിയിലായത്. ഇന്ന് (ഒക്‌ടോബര്‍12) ഉച്ചയോടെയാണ് പ്രതികളെ മുണ്ടക്കയം പൊലീസ് അറസ്റ്റ് ചെയ്തത്.
പ്രതികള്‍ പെണ്‍കുട്ടിയെ ഭീഷണിപ്പെടുത്തി നിരവധി തവണ പീഡനത്തിനിരയാക്കിയിട്ടുണ്ട്. പെണ്‍കുട്ടിയുടെ പെരുമാറ്റത്തില്‍ അസ്വാഭാവികത തോന്നിയതിനെ തുടര്‍ന്ന് അധ്യാപകര്‍ ചൈൽഡ് ലൈൻ വഴി കൗൺസിലിങ്ങിന് വിധേയമാക്കിയപ്പോഴാണ് പീഡന വിവരം പുറത്തറിയുന്നത്. തുടര്‍ന്ന് മുണ്ടക്കയം പൊലീസ് കേസെടുക്കുകയും ഷിബു, മണിക്കുട്ടന്‍ എന്നിവരെ അറസ്റ്റ് ചെയ്യുകയുമായിരുന്നു.