കോഴിക്കോട് വിവാഹ വീട്ടില്‍ നിന്നും 30 പവൻ സ്വര്‍ണാഭരരണങ്ങള്‍ മോഷണം പോയതായി പരാതി

അലമാരയില്‍ സൂക്ഷിച്ചിരുന്ന 30 പവന്‍ സ്വര്‍ണം നഷ്‌ടമായ വിവരം ഇന്നലെ രാത്രിയാണ് വാണിമേൽ വെള്ളിയോട് സ്വദേശികളായ കുടുംബം അറിയുന്നത്

കോഴിക്കോട്:വാണിമേൽ വെള്ളിയോട് വിവാഹ വീട്ടിൽ മോഷണം. 30 പവൻ സ്വർണാഭരണങ്ങൾ കാണാതായി പരാതി. നടുവിലക്കണ്ടിയിൽ ഹാഷിം കോയ തങ്ങളുടെ വീട്ടിലാണ് മോഷണം നടന്നത്.

ഇന്ന് നടക്കേണ്ട മകളുടെ വിവാഹത്തിനായി സൂക്ഷിച്ചിരുന്ന ആഭരണങ്ങളാണ് മോഷണം പോയത്. ഇന്നലെ (26-08-2022) രാത്രിയോടെയാണ് കുടുംബം മോഷണ വിവരം അറിഞ്ഞത്. വളയംപൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.