കാസര്‍കോട്: പ്രായപൂർത്തിയാകാത്ത പെണ്‍കുട്ടികളെ ഹോസ്‌റ്റലിൽ കയറി പീഡിപ്പിച്ച യുവാക്കള്‍ അറസ്റ്റിൽ. നഗരത്തിലെ സര്‍ക്കാര്‍ ഹോസ്റ്റലിലാണ് സംഭവം. പാണത്തൂര്‍ മയിലാട്ടി സ്വദേശി പുനിത് (19), ഇടുക്കി സ്വദേശി സുധീഷ് (22) എന്നിവരെയാണ് കാഞ്ഞങ്ങാട് ഡി.വൈ.എസ്.പി ഡോ. വി. ബാലകൃഷ്‌ണന്‍റെ നേതൃത്വത്തില്‍ അറസ്‌റ്റു ചെയ്‌തത്.
പിടികൂടിയ യുവാക്കള്‍ക്കെതിരേ പോക്‌സോ നിയമപ്രകാരം ഹൊസ്‌ദുർഗ് പൊലീസ് കേസെടുത്തു. ഡിസംബര്‍ 28, ജനുവരി രണ്ട് തീയതികളിലാണ് പിടിയിലായ യുവാക്കള്‍ കെട്ടിടത്തിന്റെ മതില്‍ ചാടി ഹോസ്‌റ്റലിനകത്തേക്ക് അതിക്രമിച്ച് കയറിയത്. സംഭവം ശ്രദ്ധയില്‍പ്പെട്ട ഹോസ്റ്റല്‍ അധികൃതര്‍ ഹൊസ്‌ദുർഗ് പൊലീസിനെ വിവരം അറിയിച്ചിരുന്നു. മൂന്നു ദിവസം മുമ്പാണ് പെണ്‍കുട്ടികള്‍ പൊലീസിന് മുമ്പാകെ മൊഴി നല്‍കിയത്.
ALSO READ ഫോർച്യൂനർ കാറിനും, സ്വർണത്തിനും പുറമേ സിസിടിവിയും മോഷ്‌ടിച്ച് കള്ളൻ; കാസർകോട് വൻ കവർച്ച