മംഗളൂരു (കര്‍ണാടക) : വാഹനാപകടത്തില്‍ ഭര്‍ത്താവ് മരിച്ച വിവരമറിഞ്ഞ് ഭാര്യ കൈക്കുഞ്ഞിനെ കൊലപ്പെടുത്തിയ ശേഷം ആത്മഹത്യ ചെയ്തു. മംഗളൂരു അഗ്‌നിശമന സേന ഉദ്യോഗസ്ഥന്‍ ഗംഗാധര്‍ ബി കമാര (36), ഇയാളുടെ ഭാര്യ റായ്‌ച്ചൂര്‍ സ്വദേശി ശ്രുതി (30) ഇവരുടെ ആറ് മാസം പ്രായമുള്ള മകന്‍ അഭിറാം എന്നിവരാണ് മരിച്ചത്. ശനിയാഴ്‌ച (16 ഏപ്രില്‍ 2022) രാത്രിയോടെയാണ് ദാരുണസംഭവം.
അഗ്‌നിശമനസേനയില്‍ ഡ്രൈവറായ ഗംഗാധറിന് കുന്തിക്കാനയ്‌ക്ക് സമീപം റോഡ് മുറിച്ചുകടക്കുന്നതിനിടെയാണ് അപകടം സംഭവിച്ചത്. ബെംഗളൂരു ഭാഗത്തുനിന്ന് കുന്ദാപൂരിലേക്ക് പോകുകയായിരുന്ന കാറാണ് അദ്ദേഹത്തെ ഇടിച്ചത്. ഇടിയുടെ ആഘാതത്തില്‍ കമാര സംഭവവസ്ഥലത്തുവച്ച് തന്നെ മരിച്ചിരുന്നു.