തൃശ്ശൂർ:ഗുരുവായൂർ തമ്പുരാൻ പടിയിൽ വൻ സ്വർണ കവർച്ച. മൂന്ന് കിലോ സ്വർണവും രണ്ടു ലക്ഷം രൂപയും നഷ്‌ടപ്പെട്ടു. സ്വർണ വ്യാപാരി കുരഞ്ഞിയൂർ ബാലന്‍റെ വീട്ടിലാണ് കവർച്ച നടന്നത്. വിപണിയിൽ ഒന്നേ മുക്കാൽ കോടി വില വരുന്ന സ്വർണമാണ് നഷ്‌ടപ്പെട്ടതെന്നാണ് വിവരം.
ഗുരുവായൂർ തമ്പുരാൻ പടിയിൽ വൻ സ്വർണ കവർച്ച
പൊലീസ് അന്വേഷണം ഊർജ്ജിതമാക്കി:രാത്രി ഏഴരക്കും എട്ടിനും ഇടയിലാണ് കവർച്ച നടന്നത്. തൊപ്പി വെച്ച ഒരാൾ നടക്കുന്നത് വീട്ടിലെ സിസിടിവി ദൃശ്യങ്ങളിലുണ്ട്. ബാലനും ഭാര്യയും സിനിമ കാണാൻ പുറത്ത് പോയ സമയത്താണ് മോഷണം നടന്നത്. ഡ്രൈവർ ബിജുവും ഇവരോടൊപ്പം ഉണ്ടായിരുന്നു.
തിരിച്ചെത്തിയപ്പോൾ മുകളിലത്തെ നിലയിലെ വാതിൽ പൂട്ടു തകർത്ത നിലയിൽ കണ്ടതിനെ തുടർന്ന് നടത്തിയ പരിശോധനയിലാണ് മോഷണ വിവരം അറിഞ്ഞത്. ബാലനും ഭാര്യയും 5 വർഷമായി ഗുരുവായൂരിലാണ് താമസം. അതിന് മുൻപ് വർഷങ്ങളോളം അജ്‌മാനിൽ ബിസിനസ് നടത്തി വരികയായിരുന്നു.