നാദാപുരത്ത് ഒഴുക്കിൽപെട്ട് കാണാതായ രണ്ടാമത്തെ കുട്ടിയുടെ മൃതദേഹം കണ്ടെത്തി

പതിമൂന്ന്കാരനായ താഴെ കണ്ടത്തിൽ മിസ്ഹബിന്‍റെ മൃതദേഹമാണ് കണ്ടെത്തിയത്

കോഴിക്കോട്:നാദാപുരം ഉമ്മത്തൂർ പുഴയിൽ കാണാതായ വിദ്യാർഥിയുടെ മൃതദേഹം കണ്ടെത്തി. പതിമൂന്ന്കാരനായ താഴെ കണ്ടത്തിൽ മിസ്ഹബിന്‍റെ മൃതദേഹമാണ് കണ്ടെത്തിയത്. എൻഡിആർഎഫും നാവിക സേനയും നടത്തിയ തിരച്ചിലിലാണ് മൃതദേഹം കണ്ടെത്തിയത്.

കഴിഞ്ഞ ചൊവ്വാഴ്‌ചയിരുന്നു ഉമ്മത്തൂർ പുഴയിൽ കുളിക്കാനിറങ്ങിയ രണ്ട് വിദ്യാർഥികൾ ഒഴുക്കിൽപ്പെട്ടത്. മുഹമ്മദ് എന്ന വിദ്യാർഥിയുടെ മൃതദേഹം നേരത്തെ കണ്ടെത്തിയിരുന്നു.