ശാന്തന്‍പാറയിൽ 500 ലിറ്റര്‍ കോട പിടികൂടി

ഉടുമ്പന്‍ചോല എക്‌സൈസും ശാന്തന്‍പാറ പൊലീസും സംയുക്തമായി നടത്തിയ പരിശോധനയിലാണ് കോട കണ്ടെത്തിയത്.

ഇടുക്കി: ശാന്തന്‍പാറ തൊട്ടികാനത്ത് നിന്നും 500 ലിറ്റര്‍ കോട പിടികൂടി. ഉടുമ്പന്‍ചോല എക്‌സൈസും ശാന്തന്‍പാറ പൊലീസും സംയുക്തമായി നടത്തിയ പരിശോധനയിലാണ് കോട കണ്ടെത്തിയത്. കിഴക്കാദിമല ഫോറസ്റ്റ് ഓഫിസിന് സമീപത്ത് നിന്നുമാണ് കോട കണ്ടെത്തിയത്.

ആലുവ മറ്റത്തില്‍ വിനോദിന്‍റെ ഉടമസ്ഥതയില്‍ ഉള്ള പുരയിടത്തില്‍ നിന്നാണ് കോട കണ്ടെത്തിയത്. സംഭവത്തില്‍ ആരേയും പ്രതി ചേര്‍ത്തിട്ടില്ല. വിശദമായ അന്വേഷണം നടത്തുമെന്ന് എക്‌സൈസ് അറിയിച്ചു.