തൃശൂര്‍: യുവ സംവിധായകന്‍ നിഷാദ് ഹസനെ കാറിലെത്തിയ സംഘം തട്ടികൊണ്ടു പോയതായി പരാതി. 'വിപ്ലവം ജയിക്കാനുള്ളതാണ്' എന്ന സിനിമയുടെ സംവിധായകനാണ് നിഷാദ്. പുലർച്ചെ, ചിറ്റിലപ്പിള്ളി മുള്ളൂർക്കായലിന് സമീപത്ത് വെച്ചാണ് സംഭവം. നിഷാദും ഭാര്യയും സഞ്ചരിച്ച കാര്‍ പാവറട്ടി എത്തുന്നതിനിടയിൽ മറ്റൊരു കാറിലെത്തിയ സംഘം ഇവരുടെ കാറിനെ മറികടന്നു നിറുത്തി ആക്രമിക്കുകയായിരുന്നു എന്നാണ് ഭാര്യ പ്രതീക്ഷയുടെ പരാതി. മർദിച്ച് അവശനാക്കിയ നിഷാദിനെ സംഘം വന്നിരുന്ന കാറിൽ കയറ്റിക്കൊണ്ടു പോയി. ആക്രമണത്തില്‍ ഭാര്യ പ്രതീക്ഷയ്ക്ക് പരിക്കേറ്റിട്ടുണ്ട്. അവരെ അമല ആശുപത്രിയിൽ പ്രവേശിപ്പിച്ചു.
യുവ സംവിധായകന്‍ നിഷാദ് ഹസനെ സംഘം തട്ടിക്കൊണ്ടു പോയതായി പരാതി
നിഷാദും ഭാര്യയും സഞ്ചരിച്ച കാര്‍ പാവറട്ടി എത്തുന്നതിനിടയിൽ മറ്റൊരു കാറിലെത്തിയ സംഘം ഇവരുടെ കാറിനെ മറികടന്നു നിർത്തി അക്രമിക്കുകയായിരുന്നു.
നിഷാദ് ഹസന്‍
സിനിമ റിലീസുമായി ബന്ധപ്പെട്ട് വഴിപാടുകള്‍ക്കായി ഗുരുവായൂരിലേക്ക് പോകുകയായിരുന്നു നിഷാദും ഭാര്യയും. നിരവധി ഹ്രസ്വ ചിത്രങ്ങൾക്കുംളും ഡോക്യുമെന്‍ററികൾക്കും ശേഷം ആദ്യമായാണ് നിഷാദ് സിനിമ സംവിധാനം ചെയ്യുന്നത്. പേരാമംഗലം പൊലീസ് സംഭവത്തില്‍ കേസെടുത്ത് അന്വേഷണം ആരംഭിച്ചിട്ടുണ്ട്. മുമ്പ് സിനിമയുമായി ബന്ധപ്പെട്ട് നിഷാദും നിർമ്മാതാവും തമ്മില്‍ തർക്കം ഉണ്ടായിരുന്നു. സിനിമയുടെ റിലീസിനെയും തർക്കം ബാധിച്ചിരുന്നു. സംഭവത്തിന് പിന്നില്‍ ഈ കാരണങ്ങളാണോയെന്നും അന്വേഷിക്കും.