തൃശ്ശൂര്‍: പീച്ചി അണക്കെട്ടില്‍ നിന്ന് വൈദ്യുതോൽപാദന കേന്ദ്രത്തിലേക്ക് വെള്ളമെത്തിക്കുന്ന വാൽവിനുള്ളിലെ ഷട്ടര്‍ തകര്‍ന്നു. വെള്ളത്തിന്‍റെ ശക്തമായ ഒഴുക്കില്‍ പ്രധാന വാല്‍വിലുണ്ടായ തകരാറിനെ തുടര്‍ന്ന് ഡാമിന്‍റെ സ്ലൂയിസിലൂടെ വെള്ളം പുറത്തേക്ക് ഒഴുകുന്നുണ്ട്. വാൽവ് സ്ഥാപിച്ചിട്ടുള്ള കെട്ടിടത്തിലുടെയാണ് വെള്ളം ശക്തമായി പുറത്തേക്ക് ഒഴുകുന്നത്. സമീപത്തു തന്നെയുള്ള വൈദ്യുതി ഉൽപാദന പ്ലാന്‍റിന് ഭീഷണിയാകുന്ന തരത്തിലാണ് വെള്ളത്തിന്‍റെ ഒഴുക്ക്. പവർഹൗസിനു മുന്നിൽ നിന്നു വെള്ളം വഴിതിരിച്ചുവിട്ടു. അടിയന്തര ഘട്ടത്തിൽ മാത്രം ഉപയോഗിക്കുന്ന എമർജൻസി ഷട്ടർ അടച്ച് പ്രശ്നം പരിഹരിക്കാൻ ശ്രമം തുടങ്ങി.
പീച്ചി ഡാമില്‍ പ്രധാന വാല്‍വിന്‍റെ ഷട്ടര്‍ തകര്‍ന്നു; വൈദ്യുതി ഉൽപാദനത്തിന് ഭീഷണി