'പിണറായിക്ക് മോദീശൈലി' ; വിമർശിക്കുന്നവരെ രാജ്യദ്രോഹിയാക്കുന്നുവെന്ന് വി.ഡി സതീശൻ

സർക്കാരിൻ്റെ തെറ്റായ നിലപാടുകളെ എതിർക്കുന്നവരെ മാവോയിസ്റ്റ് ആക്കുന്നത് കേരളത്തിൽ വിലപ്പോകില്ലെന്ന് പ്രതിപക്ഷ നേതാവ്

തിരുവനന്തപുരം :വിമർശിക്കുന്നവരെ രാജ്യദ്രോഹിയും സാമൂഹ്യദ്രോഹിയുമാക്കുന്ന പ്രധാനമന്ത്രി നരേന്ദ്രമോദിയുടെ അതേ ശൈലിയാണ് മുഖ്യമന്ത്രി പിണറായി വിജയനുമെന്ന് പ്രതിപക്ഷനേതാവ് വി ഡി സതീശൻ. ഏകാധിപതികളുടെ മുഴുവൻ പൊതുസ്വഭാവമാണിത്.

സർക്കാരിൻ്റെ തെറ്റായ നിലപാടുകളെ എതിർക്കുന്നവരെ മാവോയിസ്റ്റ് ആക്കുന്നത് കേരളത്തിൽ വിലപ്പോകില്ലെന്നും പ്രതിപക്ഷനേതാവ് വ്യക്തമാക്കി. സംസ്ഥാന സർക്കാരിന്‍റെ സിൽവർ ലൈൻ റെയിൽ പദ്ധതി സംബന്ധിച്ച അടിയന്തര പ്രമേയ നോട്ടീസിന് അനുമതി നിഷേധിച്ചതിനെ എതിർത്ത് സംസാരിക്കുകയായിരുന്നു വി.ഡി സതീശൻ.

വികസനത്തെ എതിർക്കുന്നവരെന്ന തൊപ്പി പ്രതിപക്ഷത്തിൻ്റെ തലയിൽ വയ്‌ക്കേണ്ട. സംസ്ഥാനത്തെ വികസന പദ്ധതികളിലെ ഇടതുപക്ഷ നിലപാട് പൊതുസമൂഹം കണ്ടതാണെന്നും സതീശൻ പറഞ്ഞു.