തിരുവനന്തപുരം :സംസ്ഥാനം നികുതി കുറച്ച് ഇന്ധനവിലയില്‍ മാറ്റം വരുത്താത്തതിന് എതിരെ യുഡിഎഫ് പ്രക്ഷോഭത്തിലേക്ക്. നിയമസഭ സമ്മേളനങ്ങൾക്ക് ശേഷം ഏതു തരം സമരപരിപാടികൾ വേണമെന്ന കാര്യത്തിൽ തീരുമാനം എടുക്കുമെന്ന് യുഡിഎഫ് കൺവീനർ എം.എം ഹസൻ പറഞ്ഞു.
ഇന്ധനവിലയിൽ സംസ്ഥാനം പാവപ്പെട്ടവന്‍റെ നെഞ്ചത്ത് വണ്ടികയറ്റുന്നു; പ്രക്ഷോഭത്തിനൊരുങ്ങി യുഡിഎഫ്
കേന്ദ്രം സാധാരണക്കാരന്‍റെ പോക്കറ്റടിച്ചെങ്കിൽ സംസ്ഥാനം പാവപ്പെട്ടവന്‍റെ നെഞ്ചത്ത് വണ്ടികയറ്റുകയാണ്. ധനമന്ത്രി കെഎൻ ബാലഗോപാലിന്‍റെ സാമ്പത്തിക സിദ്ധാന്തം കേട്ട് ആലപ്പുഴയുടെ തീരത്ത് ഇരുന്ന് പൊട്ടിച്ചിരിക്കുകയാണ്. സർക്കാരിന് ഇക്കാര്യത്തിൽ സൽബുദ്ധി തോന്നണം എന്നും ഹസൻ പറഞ്ഞു.